حسين الجسمي

كلمات اغنية همس المحبة حسين الجسمي 2019 مكتوبة وكاملة

همس المحبه عند سيد المحابيب
تهدي زوايا الحب أنس ومسره

همس معاه الوقت وقلوبنا تطيب
باحساسنا انحلق حوالي المجره

ريف العذارى فيه نفحه من الطيب
يدمن عليه الصب لي شم مره

ومنادم الاحباب ما داخله عيب
ساعة صفا والحاقد ايموت حره

الا الحبيب اللي لزيم المواجيب
لي صار ما بين الحنايا مقره

الطيب الغالي وسيد الغراشيب
ورد المحبه في مداري يذره

نوره كأن الشمس من قبل لمغيب
والا قمر والداج خلفه يجره

يمشي وساقه مثلما نزغة الحيب
يخضر قاع ان تخطر ومره

كيف اوصفه ووصفه فنون وتعجيب
بين اللآلي يحسب الزين دره

من عينه النعسا ترى العاشق ايشيب
وممكن على العاقل تسبب مضره

غالي ورد في اليوف عذب المشاريب
صار الوحيد اللي بحبي أبره

راس الامل والحلم واغلى المطاليب
اللي فوادي بلسم الحب غره

كل ما فتح عينه ثنيت الترحيب
وزاد المحبه في فوادي أشره

الحب له تقدير عندي وترتيب
نزيه خالي من عتاب وتشره

اغنية همس المحبة

ألحان وغناء: حسين الجسمي
أشعار: مانع بن سعيد العتيبه
توزيع : زيد عادل
ايقاعات: سمير القطان
مكس وماستر: م.جاسم محمد

مواضيع ذات صلة

أضف تعليق

لن يتم نشر عنوان بريدك الإلكتروني.