كلمات اغنية نصيبها مجاش هلا رشدي مكتوبة وكاملة، طرحت الفنانة الشابة هلا رشدي أغنيتها الجديدة نصيبها مجاش وتم نشر الفيديو كليب عبر موقع الفيديوهات اليوتيوب، اغنية نصيبها مجاش من كلمات محمود عبدالله وألحان أحمد عمار، إليكم كلام أغنية نصيبها مجاش.

كلمات اغنية نصيبها مجاش

نصيبها مجاش وزعلانة
ورايحه وجايه سرحانة
لأن فلانة و فلانة
خلاص ارتبطوا قبليها

صحيح مش حاسه بالغيرة
لكن شايفه انها كبيرة
وسيرة السن دي سيرة
بقت فعلا بتأذيها

يحاولوا يفرحوها ساعات
بأي حاجات وما بتفرحش
بقت بتخاف من المرايات
لا تلمح عيب ما يتصلحش

وعايشة ما بين ملل وروتين
ودايماً حاسة بالإحباط
تشوف مشهد ف فيلم حزين
فتحجج وهات يا عياط

ساعات بتقول بصوت عالي
اكيد الدنيا شيلالي
مفاجأه ما جاتش علي بالي
ومش هتسيبني قلقانة

ويوم ما حبيبي هيجيلي
هكون اسعد بنات جيلي
وهاحكيله ويحكيلي
عن الحب اللي جوانا

مسير الحلم في المواعيد
هييجي اكيد ويبقي بجد
يقرب ربنا اللي بعيد
ده ما بيرضاش يزعل حد

تملي بنكره التأخير
ونستعجل على الأحلام
ونكتشف ان كل الخير
معاده الصح كان قدام

اغنية نصيبها مجاش

غناء: هلا رشدي
كلمات: محمود عبدالله
الحان: أحمد عمار
توزيع: أحمد شوقي

مواضيع ذات صلة

أضف تعليق

لن يتم نشر عنوان بريدك الإلكتروني.