الجوكر

كلمات اغنية موسم الذئاب الجوكر مكتوبة وكاملة، أغنية موسم الذئاب من اجدد أغاني الراب المصري التي قام الفنان احمد ناصر الشهير بالجوكر بطرحها من خلال قناته على موقع اليوتيوب، أغنية موسم الذئاب 2019 حازت على إعجاب جمهور ومتابعي الجوكر في كل مكان، إليكم كلام أغنية موسم الذئاب مكتوبة.

كلمات اغنية الجوكر موسم الذئاب

El Joker – Mosem El Ze2ab

بنقدم قبل النوم عرض شاش وميكروكروم
تهزيئاً لدراكولا بطولة الفيلم لفص توم

فاضل ألف جنية على أول ألف في المليون
أو شفرة موس يا حبل في نجفة الصالون

آدي اللي إتلصم عطل الواقع يخذلك تتسطل
صعب تعيش باللي منك فضل وصعب اللي فاضل فيك يتقتل

راسه مش في الطين عشان كرامته سوى البلاطة
لأ كان عنده إرادة بس هبت ريح وطاطا

في قمة الهيكل ده عين ترى الجميع
في أرض الذئب جرِم إجتماع قطيع

ونادى منادي بكونا اتنقذنا بحال المراكب اللي غرقت وعظنا
شكر كل اللي شارك ببصمة لقانا بنغرق نادى لقراصنة

صاحب الشيطان ومتصاحبش فكرة
الشر واقع والبلد دي خرم إبرة

اليأس سلاح وتلم يعشق اللي خاف فسلم
أما باني اللي بيتهدم لو مفاقش مكانش حلم

وطننا ضاق لكنه عشق الوضع ساء تحليته غش
وزيرنا مات وملكنا كش وإتقال معلش

صمتك مش علامة رضا علامة الفرهده
كلنا أطراف في صراع على حتة جبنة في المصيدة

اللي متسطلش كفايه عاز فنون تسطله
ديلرات الكار نجوم طريق مخطيناش أوله

أنا لما قولت لأ كنت بقولها عشان شاريكي
أنا عند حسن ظنك قالب الدنيا ومش لاقيكي

قالولك إني طايش وإني مش بفكر فيكي
قسموني أتنين إتغدوا ببعض عشان يتعشوا بيكي

أنا لما قولت لأ كنت بقولها عشان شاريكي
أنا عند حسن ظنك قالب الدنيا ومش لاقيكي

قالولك إني طايش وإني مش بفكر فيكي
قسموني أتنين إتغدوا ببعض عشان يتعشوا بيكي

قالي ملفك كِبِر جملة سياسة كمان وشكرا
قولتله متهددنيش انت متعرفش انا مين في شبرا

هما اللي إتمادوا فمخدتش الدوا في ميعاده
كنا سته وسته مننا ماتوا

طموحك نازل أرض الواقع هيبططك
اللي عوزته واللي إتحقق شىء وعكسه وده أحبطك

نداك في مالطا ربى فيك الكسل
معادش فيها حاجه حلوة أو سوادها عسل

مربوطين في ساقية أكل العيش من تعليم لجيش
لحب قتله سعر السوق فقالوا عنه طيش
مش صدفة كل الناس دي بقت بتحلم باللجوء
محدش غيرنا بيعزف تيتانيك بتغرق فوق

البلد دي فيها ظلم والسكوت عليه جريمة
فاضل ايه عشان تحس إنك ملكش قيمة
إتهانت جوه قبل بره ألف بدل مرة
سكرهم يا نمل مرر إتحرر

اغنية موسم الذئاب الجوكر

أغاني الجوكر مكتوبة

كلمات اغنية الوصايا

كلمات اغنية فراق صالونات

مواضيع ذات صلة

أضف تعليق

لن يتم نشر عنوان بريدك الإلكتروني.