اغنية مستحملاني يا امي لمحمد عبد المنعم لمسة وفاء صادقة لكل أم تعبت وشالت هم ولادها. بكلمات مليانة حب وامتنان، بيحكي عن تضحية الأم اللي بتسهر وتدعي، حتى لو ابنها قسا عليها. اللحن الحنون والإحساس العالي بيخلي اغنية مستحملاني توصل للقلب بسرعة، وتحسس أي حد بقيمة أمه اللي مستحملاه بجد.
كلمات اغنية مستحملاني يا امي
مستحملاني وشايله همّي
لو مكنتيش إنتي أمّي
كنت هبقى طول حياتي
في الحياة مكسور
عشت بتسند عليكي
كنت دايماً نور عينيكي
قبل كلّ ده عشت فيكي
تسع شهور
ليا مين في الدّنيا غيرك
إنتي راس مالي
يا اللّي طول العمر نايمة
وقايمة دعيالي
حتّى لمّا أقسى عليكي
تمسحي في دموع عينيكي
تدعي ربّنا يرضى عنّي
ويتصلّح حالي
أمّي يا أمّي علطول شايله همّي
إنتي نور عينيّا وبتجري في دمي
أمّي يا أمّي بحبّك يا أمّي
من أوّل لآخر ثانية في عمري
ماشي في الدّنيا برضاكي
وبحنانك وبدعاكي
روح إلهي تتفتّح ليك البيبان
ربّنا ينوّر طريقك
والدّعا يكون من نصيبك
واللّي نفسك فيه تلاقيه
وأكتر كمان
ليا مين في الدّنيا غيرك
إنتي راس مالي
يا اللّي طول العمر نايمة
وقايمة دعيالي
حتّى لمّا أقسى عليكي
تمسحي في دموع عينيكي
تدعي ربّنا يرضى عنّي
ويتصلّح حالي
أمّي يا أمّي علطول شايله همّي
إنتي نور عينيّا وبتجري في دمي
أمّي يا أمّي بحبّك يا أمّي
من أوّل لآخر ثانية في عمري
اغنية مستحملاني يا امي
Mohamed Abdel Mon’em – Mestahmelany
كلمات: محمد البوغة
ألحان: محمد عبدالمنعم
توزيع: د/ أحمد عادل
المزيد من أغاني محمد عبدالمنعم
كلمات اغنية على كل لون – محمد عبد المنعم
كلمات اغنية اه يا جامد يا شديد – محمد عبد المنعم
كلمات اغنية قلبي وجعني معاك – محمد عبد المنعم
كلمات اغنية نسيت اصلك – محمد عبد المنعم
كلمات اغنية الاصلي اصلي – محمد عبد المنعم