كلمات اغنية مالك شبيه عبدالمجيد عبدالله مكتوبة وكاملة
يا وجهك اللي مصدر الفي والضي
يجمع ما بين أضداد في انسجامه
يجمع دجى وانوار والنار والمي
بين الشعر والخد والابتسامة
يا وجهك اللي مصدر الفي والضي
يجمع ما بين أضداد في انسجامه
يجمع دجى وانوار والنار والمي
بين الشعر والخد والابتسامة
يا اللي ابتسامج يروي احساسنا ري
من تضحكين اتشكلين الغمامة
مالك شبيه بالثرا والسما حي
انتي جمالج فارق في قوامه
لو الحسن يتعب على نفسه شوي
يمكن تفاصيلج تحقق مرامه
ومن قال انتي فارقة ما فرق شي
لانه حط تاج الجمال في مقامه
يا من لويتي رقاب من ناظرج لي
والله يلوم اللي بهالزين لامه
صم الصخر فطلتج ينقلب حي
ياكيف قلب انسان ينبض غرامه
يا حي هذا الغنج والحسن والضي
سبحان من جلا بوجهج ظلامه
ويا عل الفرح يطوي من سنينج طي
ويهل مزنه مع تباشير عامة
وياحي عيدج بين الأيام ياحي
تتباهى سنينه و بج تتفاخر أيامه
كل عام وانتي آية الحسن والغي
وتبقين لقلب السحاب غلا أنسامه
و كل عام و الله يديم محبتج لي
يا شما وانتي بالف خير وسلامة
اغنية مالك شبيه
غناء: عبد المجيد عبدالله
كلمات: السحاب
الحان: اسامة العطار
توزيع: محمد صالح
تصميم فيديو: محمود الحسن
