X

كلمات اغنية كوكو ساندي مكتوبة وكاملة

كلمات اغنية كوكو

كان في مره زمان عصفورة
اسمها كوكو وليها صحاب
قطة وكلب وارنب ديماً
مع بعض بيلعبوا العاب

وفي يوم كوكو قالت لصحابها
انا أحسن منكم وبطير
لكن أنتم ملكمش جناح
ولا عندكم ريش فيه فرق كبير

زعل الأرنب منها وقال
اهدي يا كوكو متتغريش
لو مش عاجبينك فارقينا
واعتبرينا بح مافيش

طارت كوكو وراحت ماشية وقالت فعلاً عندكم حق
انا كان ايه خلاني اصاحبكم انتم ضعفا لكن انا لأ

بعد يومين بالظبط تمام
حست كوكو انها عطشانة
وقفت تشرب عند البير
شافها التعلب جري واصطادها
حطها جوه قفص يا حرام
فضلت كوكو تقول اه يانا

التعلب بصلها وقال
اكله جميلة وجت في ميعادها
جمب الوكر بتاعه ربطها
وجري في الغابة عزم اشرارها

عرفوا صحابها باللي جرالها قالوا لا بد نفك حصارها
الكلب فضل ماشي يشمشم علي كوكو يفتش بعنيه

والأرنب جري جمب التعلب يضرب ديله ويشغل فيه
والقطة خربشت الحبل اللي قفص كوكو مربوط بيه

خرجت كوكو بسرعة وقالت
انا مش عارفة اقولكم ايه

انتم صحابي حابيبي واجدع منكم في الدنيا ديه مفيش
الشاطر فينا بأخلاقه مش لازم بجناح او ريش

من وقتها كوكو اتعلمت ان الانانية مش بتعيش
من وقتها كوكو اتعلمت ان الانانية مش بتعيش

اغنية كوكو

غناء: ساندي
كلمات: محمد عاطف
الحان: بلال سرور
توزيع: مصطفي العسال

مواضيع ذات صلة

أضف تعليق

لن يتم نشر عنوان بريدك الإلكتروني.