كلمات اغنية فراق صالونات الجوكر مكتوبة وكاملة، قام الفنان احمد ناصر الشهير بالجوكر بطرح اغنية جديدة له قام بنشرها على قناته في موقع اليوتيوب تحكي حكاية شاب خطب فتاة كما يسمى بزواج الصالونات ويوم الزفاف تركها لأنه لم يشعر بها مما سبب لها صدمة ويقول لها أن فراقهم في الوقت الحالي افضل من أن يفترقوا بعد الزواج وانجاب الأطفال، إليكم كلام أغنية فراق صالونات مكتوب.
كلمات اغنية الجوكر فراق صالونات
El Joker – Fora2 Salonat
راجع نفسه وهو بيقفل الببيون
كان مندمج لحد قبل فرحكوا بيوم
سأل سؤال لو سألتيه عمرك ما تضيعي
أنا هنا لأني عايز ولا لإن ده الطبيعي
خلص تعليمه وكون نفسه وشعره أبيض سنه
أهله قالو يابني نفرح بيك خلاص كبرنا
وأختاروكي عشان جميلة وبنت ناس ومتعلمة
قعدة التانية إتشد ليكي وقام ملبس دبل
عمره ما حس لحظة واحدة إنك بتكمليه
الحكاية إنك ناسبتي شكل حياة لازم يبنيه
كان بيطمن نفسه بإن الحب بيتولد بالعشرة
وإن جوهر العلاقة توازن وإن العشق قشرة
فاق وفكر في اللي جاي بمنطقية
ملايين بمواصفاتها يبقى اشمعنى هيا
لو خسرت ميزة هفضل راضي بيها
لو شفت واحده أحسن ليه متشدش ليها
انتي كمان من صغرك ماختارتيش حاجه بمزاجك
سيبتيهم يخترعوكي بدل ما تسعي لإكتشافك
قالولك كليات القمة يا إما تبوظ حياتك
وانتي ما شاء الله دخلتي طب بإجتهادك
وبقيتي في ركن خلى عدد إختياراتك قليل
الدكتورة تتجوز دكتور يا مهندس بالميت
وبقربك من التلاتين اتزنقتي في ركن جديد
قطر الجواز هيفوتك وانتي لازم تلحقيه
جه وكان باين فيه معظم شروطك في البداية
مع الوقت ظهرت العيوب وغطت المزايا
وفشلتي تغيريه فبدأتي تحاولي تقبليه
مفيش رجوع خلاص بقالكوا سنة أهو مخطوبين
من النقطه دي مكانش ولا هيكون بينكوا إلا كبت
كان لازم طرف منكوا يرجع مهما كان الوقت
وأهو دلوقتي أفضل من بعدين وانتوا لسه اتنين
أحسن ما تاخدوا طفل في الرجلين
وبكره تقولي صدقت
اغنية فراق صالونات الجوكر
كلمات اغاني اخرى للجوكر
كلمات اغنية النداهة
كلمات اغنية العقد