بوستر اغنية صاحبي ساحر

كلمات مهرجان صاحبي ساحر محمود الحسيني وحسين غاندي 2019 مكتوبة وكاملة

ياللي صاحبك زي صاحبي ربنا يعوض عليك
ايوا جرحك زي جرحي واللي فيا برضه فيك

اللي كان بيقول بحبك واللي كان عامل شاريك
هو أول حد باعك جه بغدره وضحى بيك

انا صاحبي ساحر لما أعوزه بيختفي
وفجأة يظهر بس وقت المصلحه

في الشدة مبشفهوش ماهو اللهو الخفي
وتشوفه ايوا لو الأمور متيسرة

انا صاحبي اصلا في الحقيقة اونطجي
والبحر عمله طحينة ليا وكلتها

حريف ندالة وفي المقالب فوريجي
والطبع غالب فيه نهيته ولا انتهى

انا صاحبي زيه في ناس كتير نفس الفصيلة
صحبة تأخر مية سنة بيهم ابتلينا

نلاقي فين ولاد حلال وناس اصيلة
يصونوا عيشنا وملحنا ميجوش علينا

انا صاحبي ناكر الجميل وبينسى اصله
وبينسى مين علاه وخلاه يبقا حاجة

ملعون ده حظ لما جه الخسيس رقصله
وعمل تمن للرخيص ولا يسوى حاجة

انا صاحبي قصدي اللي كان صاحب الندامة
ياما نصحته وقلبي ياما تعب وهاتاه

أهو راح لحاله يلا وفي ستين سلامة
ده في سوق الرجال يتقال عليه خيال مأتة

اغنية صاحبي ساحر

غناء: محمود الحسينيحسين غاندي

كلمات: صلاح عطية
الحان: غاندي
توزيع: بيدو ياسر

مواضيع ذات صلة

أضف تعليق

لن يتم نشر عنوان بريدك الإلكتروني.