كلمات اغنية شخص ما محمد شاكر مكتوبة وكاملة
كلمات اغنية شخص ما
شَخص مَا
صَحَّيَ إِحسَاس فِيَّا كُنت ملَجِّمَاه
حَرَّك القَلب اللِي كُنت محَجِّمَاه
فِي الحَياة دِي وجُودُه كَان فَارِق كِتير
وَ أنَا فُوق النَّاس بحَالها منَجِّمَاه
كُلّ حَرف في إسمُه لَحن منَغَّمَاه
عُمري مَابينُه و مَابِيني مقَسِّمَاه
وأنَا قُدَّام المَحَبِّة اللي فِي عِينيه
ألف عَربُون للمَحَبَّة مقَدِّمَاه
جِه ف ثَواني بكِلمة عَ السَّهَر غَواني
جِه دَاوَانِي بلَمسَة و بهَمسَة اِحتَواني
حُضنُه بِيت مَفتوحلِي دفَّاني و آوَاني
وَأنَا بَختِي أبقيَ ف رِعَايتُه و ف حِمَاه
اللِي بِيه مِية حَاجَة حِلوَة مجَمَّعَاني
و اللِي فِيه حَنَان يِريَّح لَمَّا أعَاني
بِين إيدِيه إحسَاسي بِيكَمِّل معَاني
و حُبِّي لِيه ب كُلّ اللُّغَات مِتَرجِمَاه
كَان نَصِيب جَايِز و يِمكِن رُبَّمَا
صُدفَة حِلوَة عَليَّا أنَا الهَوَي رَمَاه
كَان هِدِيَّة مِن السَّمَا و لو بَعد إِيه
مش هَسِيبهَا ف يُوم تروح وَالله ف سَمَاه
اللي بَسرَح لَمَّا بَبقَيَ مِكَلِّمَاه
اللي قلبي لإيده رُحت مِسَلِّمَاه
واللي لو تَاه مِنِّي حَتي بِين أُلوف
بِ البرَاءَة اللي ف سَلامُه مِعَلِّمَاه
اغنية شخص ما
غناء: محمد شاكر