الجوكر

كلمات أغنية سيمفونية Symphonia الجديدة لمطرب الراب المصري أحمد ناصر الشهير بالجوكر El Joker نقدمها لكم اليوم على موقعنا مكتوبة وكاملة , أغنية سيمفونية من أجمل أغاني الفنان المصري الجوكر نترككم الان مع كلماتها

أغنية سيمفونية

غناء : الجوكر

الكلمات

عصفورة حكيتلي إنها فى يوم عدت من جنب غرزة

فوجئِت بإن الله والرُسُل والوجود أغلب ما يُذكر

شافت من كل سن كل شكل واللى رابطهم

جايين ينسوا الحياه اللى شيلتهم فوق طاقتهم

وقالتلي إنها إتفاجئت فى المدرسة بإن التلاميذ

جايين لكل غرض تتخيله إلا التعليم

بس قالتلى فى وسط السيرك شوفت طالب علم بجد

منتبه للشرح بيكتب وملوش أى دعوه بحد

للأسف تانى مره شافت الطالب ده بكِت

كانت طايره جنب قسم صُدفه وفوجئت لما لقت

ظابط بيكهرب الطالب ويقوله علشان تبقى

تكتب وطن بلا تعذيب كويس على تيشيرتك

وحكيتلى إنها فى يوم كانت على شجره قدام باب

مستشفى شافت دكتور خارج من الاستقبال

و واحده ماسكه فيه بتقوله أرجوك جوزى بيموت

قالها وانا نالي يا ستّي هدفعلك من جيبي فلوس

 *****************

صعب توصف الحياه فى شكل مُعادله فيزيائية

سيمفونية كل آله فيها تبانلك عشوائيه

مفيش حال بيدوم  والتغيير ملوش قانون

لا الوِحِش بيفضل وِحِش ولا هدايته شيئ مضمون

*****************

صَعُبَ تَوْصُفُ اِلْحِيَاهُ فى شَكِلَ مُعَادِلُهُ فِيزِيَائيَةُ

سيمفونية كُلَّ آله فِيهَا تبانلك عَشْوَائِيَّهُ

مفيش حَالَ بيدوم، وَالتَّغْيِيرَ ملوش قَانُونَ

لَا الوِحِش بيفضل وِحِش وَلَا هِدَايَتُهُ شُيِّئَ مَضْمُونُ

*****************

العصفوره غابت عنى يومين ورجعت بحكايات

منها إن واحد من مجموعة الغرزه مات

وواحد تانى فاق قال يا إخوانّا كفايه نسيان

بس دماغهم أعلى من إنها تستقبل الكلام

*****************
وفى شارع لقت خلق بتهتف تسقط الداخليه

طارت ورا المُظاهره وعند القسم وقفت هىّ

لما لقت كل واحد لابس ميري بيغيره

وياويل اللى كان بيعذب ناس وفى ناس حافظين منظره

*****************

أما الطالب اللى إتعذب فرد فى مجموعة سلمية

الدرع اللى حمى القسم من الأعمال التخريبية

أول ما إتصاب برصاصه قالت هيموت من الإهمال

استقبله طبيب حقيقى مخدش نفسه إلا أما فاق

طارت شافت ناس محتاجه تحس بـ الناس المحتاجه

شافت كتير منكرش ، لكن مشافتش كل حاجة

سألتنى عن نظام الكون قلتلها هما دول

كل فرد إختار لنفسه شيئ إختار لغيره مليون

*****************

صَعُبَ تَوْصُفُ اِلْحِيَاهُ فى شَكِلَ مُعَادِلُهُ فِيزِيَائيَةُ

سيمفونية كُلَّ آله فِيهَا تبانلك عَشْوَائِيَّهُ

مفيش حَالَ بيدوم وَالتَّغْيِيرَ ملوش قَانُونَ

لَا الوِحِش بيفضل وِحِش وَلَا هِدَايَتُهُ شُيِّئَ مَضْمُونُ

*****************

صَعُبَ تَوْصُفُ اِلْحِيَاهُ فى شَكِلَ مُعَادِلُهُ فِيزِيَائيَةُ

سيمفونية كُلَّ آله فِيهَا تبانلك عَشْوَائِيَّهُ

مفيش حَالَ بيدوم وَالتَّغْيِيرَ ملوش قَانُونَ

لَا الوِحِش بيفضل وِحِش وَلَا هِدَايَتُهُ شُيِّئَ مَضْمُونُ

سيمفونية

 

مواضيع ذات صلة