طرح الفنان السعودي نواف فريح شيلة جديدة بعنوان تصور وتتحدث كلمات الشيلة عن الحزن والشوق والألم الذي يصيبه بعد فراق حبيبه، وعن مشاعر الفقد والحنين التي تترك أثر في النفس، وتصف شيلة تصور نواف فريح بأسلوب حزين مدى تأثير فقدان الحبيب على حياة الإنسان، حيث يصعب عليه العيش دونه ويشعر بالوحدة والأسى، ويتذكر كل لحظة قضاها معه ويتمنى لو يعود الزمن ليستعيد هذه اللحظات من جديد.
كلمات شيلة تصور نواف فريح
تصوّر لو تغيب وما يجيني منك أي مرسال
تصوّر شلي راح يصير بعدك يا بعد عيني
ثلاث أيام ما شفتك ورب البيت دمعي سال
وأنا اللي ما عمر دمعي نزل في راحة إيديني
بعد ما رحت من عندي أحس الكون فيني مال
وهم استوطن بصدري وفجّر كل شراييني
بعد ما رحت كتّفني الحزن والليل فيني طال
ولا في شي من بعدك عن الضيقة يسلّيني
مضيع كل شي ومختلط فكري وضايق بال
وسارح فيك يا الغالي ولا أدري وينك ويني
أقرب دلّتي وتطري وأضيع وزنة الفنجال
أزيد البن وبعض أحيان أنسى الهيل بإيديني
أقلب في صور لك قديمة داخل الجوال
دموعي فوق جوالي تناثر من جفن عيني
وأنام وأحلم بنومي تجيني فارعة بلا شال
وتاخذني من الدنيا اللي ما أدري لويني
تسولف لي عن أصحابك وجور الوقت والأحوال
وأنا ودي أسولف لك عن الشوق الذي فيني
وأضمك وأصحى من نومي وألاقي في يدي سلسال
وأثاريني أضم سلسال لذكرى هديتيني
تأثرت بغيابك لين مابين علي هبال
ومشيت دروب ما أدري إلى وين بتوديني
وجيت الحين قدّامي وأنا متخوف ولا زال
أشك إن اللي قدّامي طيوفك جت تواسيني
كلمات شيلة سحر عقلي – نواف فريح
شيلة تصور – نواف فريح
كاتب الأغنية: نواف فريح
ملحن الأغنية: نواف فريح
موزع الأغنية: حازم الأبيض