محمد عبدالمنعم

كلمات اغنية وصاني ابويا تتر بداية مسلسل ولد الغلابة محمد عبدالمنعم مكتوبة وكاملة، مسلسل ولد الغلابة من الأعمال الدرامية الرمضانية 2019 بطولة الفنان الكبير أحمد السقا، إليكم كلام اغنية تتر بداية مسلسل ولد الغلابة.

كلمات اغنية تتر بداية مسلسل ولد الغلابة

وصاني أبويا وقالي شوف انا خلفتي خلفة رجال
والراجل الجد بصحيح يعرف ينام مرتاحله بال

يعني الخلاصة من الكلام ع الناس يا ولدي ما تفتريش
واياك تغرك دنيتك بوهم سلطان مايساويش

عيش الحياة من غير جحود مش ناس تموت علشان تعيش
ومهما كان الريح شديد ولد الغلابة ماينحنيش

وما طاطيش للدنيا يوم
واياك تميل لو حالها مال
خليك عتيق زي الجبال

وصاني اعيش بين البشر راسي رافعها لفوق
ومخافش غير من ربنا ولا انحني لمخلوق
وصاني اكون زي الميزان واعدل ما بين الناس
وارجع للضعيف حقه من أكلين الحقوق

وقالي الحق مهما يغيب بيرجع تاني لأصحابه
يا ويله اللي بيستقوى يجيله الهم على بابه
وقالي الكدابين خايبين مسيرهم يكشف حالهم
بيمهل بس ما بيهملش يا ويل الظلم وحسابه

هتعمل خير تلاقي الخير لينا يا ولدي رب كبير
يقبل دعوة المظلوم والظالم حسابه عسير

مدام رب العباد موجود مسير الحق بكرة يعود
ولا هتعمل لشيء حسابات مدام من ربنا مسنود

وقالي الكبير هو اللي عاش شايل هموم الناس
وقالي الكبير عزوة وسند مش منظرة وخلاص
من صغره ولحد الكبر من طلته تهابه
ولا عمره جه يوم ع الضعيف ولا داس في يوم ع الناس

هتعمل خير تلاقي الخير لينا يا ولدي رب كبير
يقبل دعوة المظلوم والظالم حسابه عسير

مدام رب العباد موجود مسير الحق بكرة يعود
ولا هتعمل لشيء حسابات مدام من ربنا مسنود

كلمات اغنية تتر بداية مسلسل ولد الغلابة

غناء: محمد عبد المنعم

مواضيع ذات صلة

أضف تعليق

لن يتم نشر عنوان بريدك الإلكتروني.