كلمات اغنية انا وضلي ادهم سليمان

أغنية “أنا وضلي” للمطرب المصري أدهم سليمان، تتميز هذه الأغنية بكلماتها الصادقة والعاطفية التي تناقش قصة شخص يواجه تحديات الحياة ويعيد تقييم ذاته وعلاقاته مع الآخرين، إليكم كلمات اغنية انا وضلي مكتوبة وكاملة.

كلمات اغنية انا وضلي ادهم سليمان

انا وضلي بنتقابل في عز الليل
ونتحاسب على كل اللي عدى زمان
يونسني مرار القهوة والدخان
مابين حياه صعبة وناس مالهاش امان

محتاج اعيد حساباتي واعاتب روحي ع الماضي
انا كنت مين وفين وليه ضاع العمر ع الفاضي
مين باقي مين حواليا مش باقي منكم غير ماضي
يا وشوش بتلمع ونفوس مريضة ومش مرض عادي

واللي عشقتها بروحي واديتها وردة ايامي
داست على الوردة وكانت بتقتل كل احلامي

انا وضلي بقينا بعضنا اغراب
بقيت حاسس كأني حد تاني سراب
فين احلامي فين كل اللي قولت عليه
مش ده انا ولا ده اللي ياما حلمت بيه

وطعم الغدر بقا عادي وطبيعي ازاي
ازاي قلوبكم فيها كل القسوة دي
محدش فيكي شاف من روحي غير الخير
مشفتش حتى منكم رحمة او تقدير

محتاج اعيد حساباتي واعاتب روحي ع الماضي
انا كنت مين وفين وليه ضاع العمر ع الفاضي
مين باقي مين حواليا مش باقي منكم غير ماضي
يا وشوش بتلمع ونفوس مريضة ومش مرض عادي

اغنية انا وضلي