بوستر اغنية امتى
X

كلمات اغنية امتى احمد شيبة واوكا واورتيجا مكتوبة وكاملة، نقدم لكم كلمات مهرجان امتى انا يا ناس اعمل حاجة ليا مكتوب وكامل وهو من اجدد المهرجانات الحصرية، تم نشر الأغنية من خلال قناة اوكا واورتيجا بموقع اليوتيوب، إليكم كلام اغنية إمتى مكتوبة.

كلمات اغنية امتى

امتي انا يا ناس اعمل حاجة ليا
من زمان شقيان مش قادر طالع عنيا

بتمني لو مرة الدنيا متضحكش عليا
حلمي نفسي اعيشه في يوم يبقا في ايديا

متغرب بعيد علطول انا لوحدي
تعبان من الفراق و الناس اللي بعيده عني
فين الحبايب اللي كانوا ساندني
مش عايز أموت ومحدش يكون جمبي

ليه دايماً كل لما احب الاقي في خداع
ملايين الناس شايفة حالتي في الضياع

مبقتش آمن تاني من كتر اللي باع
بحلم يبقي حد جمبي وميقولش وداع

طب اروح لمين ولا مين واشكيله
مفيش حد حاسس بيا يمدلي ايده

رب العالمين هو بس اللي ادعيله
عارف ايه جوايا دايما من غير ما احكيله

نفسي اشوف عيالي بيكبرو حوليا
حتي لو معايا تشتاق ليهم عينيا

بفكر في مستقبلهم انا كل شوية
مش عايزهم يتأذو زيي من الدنيا

بتمني ان قلبي يجمد ساعة ومش عارف
ليه متوتر قلقان و دايما انا خايف

كله شايف السعادة وانا مش شايف
هما بيتحركوا وانا بس اللي واقف

امي راحت مني مبقتش معايا
اجمل ايام عمري لما كانت ويايا

راح الحضن الدافي اللي كان ساكن جوايا
قلبي اتوجع لما دي كانت النهاية

وانا شعري شاب من العذاب والجراح
ابكي على اللي جاي ولا ابكي على اللي راح

تعبان من جوايا مش عارف ازاي ارتاح
حابس الكلام مكبوت مكسور الجناح

طيب نعمل ايه في الحياة تعبانا
كل شوية ليه هي ليه قرفانا

مش عارفين نعيش زي الناس الفرحانة
طول اليوم هموم مش قادرين بأمانة

عايز تبقي مرتاح ومش شايل الهموم
افتكر ربنا واستغفر له كل يوم

هتلاقي الحياة سالكة رزق كتير بالكوم
دي المركب للبر في بحر تعبت منه عوم

اغنية امتى

غناء: احمد شيبة واوكا واورتيجا

مواضيع ذات صلة

أضف تعليق

لن يتم نشر عنوان بريدك الإلكتروني.