كلمات اغنية الدمعة صعبة احمد حسين

كلمات اغنية الدمعة صعبة احمد حسين مكتوبة وكاملة، وهي من أجمل الأغاني المصرية الحزينة جدًا للمطرب الشعبي احمد حسين، اغنية الدمعة صعبة حققت نجاح كبير منذ أول مرة طرحت فيها على قناة شعبيات الفضائية وعلى موقع يوتيوب ونالت استحسان جميع المستمعين، ونحن الآن نعرض لكم كلمات اغنية احمد حسين الدمعة صعبة.

كلمات اغنية الدمعة صعبة احمد حسين

الدمعة صعبة بس برضو الضحكة اصعب
وانا لما بضحك صدقوني بجد بتعب
ويادوب ثواني وترجع الأحزان تاخدني
طبع الحياه ده ولا انا اللي شربت مقلب

انا كل ما اتقدم لخطوة ارجعها مية
والحزن زي قميص ومتفصل عليا
وان يوم وقفت قصاد مراية ابص فيها
بلاقي واحد فيها بيعيط عليا

متعلقين بخيوط كتير في الدنيا ديا
والدنيا بتحركنا في كل اتجاه
وهو ده دورنا مش أكتر في الحياه

سهلة الحياه جدا وده اصعب ما فيها
وانا من غبائي كنت انا مفكرها لعبة
واللي مخدتش بالي ولا فكرت فيها
ان السهولة في حد ذاتها بجد صعبة

مليون طريق قدامي وانا واقف مكاني
مش عارف انا فين سكتي ولا عارف ارسى
بس اللي عارفه مراكب الأحزان يوماتي
هيا اللي دايما تيجي وسط جراحي ترسى

انا قلبي شجرة دمع تطرح كل ثانية
ولا يوم بتدبل حتى في عز الخريف
آسف صحيح المسألة مش عايزة كيميا
من امتى يا دنيا بتقفي مع الضعيف

والليل طويل ولا حتى باينله نهار
وكأني انا في الدنيا ديا حيطة مايلة
مكتوب عليها هو ده معنى المرار

انا ايه عملته في دنيتي علشان ده كله
لو ذنبي هفضل فيه يا دنيا لأمتى ادفع
وإن يوم وشوفتك تضحكي بيكون عليا
والاقيكي حطاني يا دنيا في وش مدفع