موسوعة عربية شاملة

زاب ثروت

كلمات اغنية في السما Fil Sama الجديدة يغنيها كلاً من زاب ثروت Zap Tharwat وساري هاني Sary Hany وامير عيد Amir Eid بمناسبة عيد الام 2017 نقدمها لكم اليوم على موقعنا مكتوبة وكاملة وهي من اجمل الاغاني المصرية الحديثة اليكم كلماتها نتمنى ان تنال إعجابكم

اغنية في السما

غناء : زاب ثروت و ساري هاني وامير عيد

الكلمات

الحفلة زحمة مليانة وشوش كتير اعرفها

خلان و عمام و اسامي لسه صعب انطقها

عشرة و محبة واضحين مبين الناس حواليه

بيقولوا ده عيد ميلادي و الحفلة ديه معموله ليا

…………………………………………

مابين كتير هداية كان جواب مبعوت لإسمي

مكتوب عليه بخط امي لحبيبي ابني

طب ليه جواب ما انتي دايماً جنبي طول الوقت

بلاش لماضة بقى افتح جوابك لو سمحت
…………………………………………

قالتلي في الجواب كل سنة وانت زي

ما انت جوه قلبي في المكانة ملكش زي

تكبر و اشوفك زي ما انت عايز تبقى عايز

كده او كده حبيبي و لكلام جوابي حاسس

…………………………………………
و كبرت اكتر و سنيني زادت عن صوابعي

عصبي و صوتي عالي أمي خافت يبقى طبعي

فقالتلي يا ابني خلي بالك دايماً من كلامك

الكلمة سيف يا تقل منك يا تزيد مقامك
…………………………………………

و في يوم رجعت من المدرسة متبهدل مليان تراب

و سألت إزاي الغدر ممكن يجي من الصحاب

و حكتلها الخناقة و سمعتني بكل صبر

و قالتلي لما تهدى ابقى اقرأ من أول سطر
…………………………………………

كانت كتبالي جواب عن الصحاب و الجدعنة

و قالتلي اختار الي يقول احنا بدل ما يقول أنا

و اعرف ان الصحاب لا بالكترة ولا بالعدد

في الشدة هما اتنين تلاتة عليهم تعتمد
…………………………………………

في السما بشوفك لما الدنيا بيا تضيق

و في الليل بحكيلك عن كل قديم و جديد

في غيابك دايما جنبي كلامك محفور في قلبي

رسالتك مش بس كلام رسالتك إنسان أكون
…………………………………………

و كبرت اكتر و الدنيا كبرت اكتر بيا

و بدأت أحس جوة مني إحساس جديد عليا

فحكيتلها عن أحلى بنت فى الجامعة كلها
…………………………………………

وصفتها لأمي قلت مشفتش زيها

مش عارف أقولك إيه بس شكلي بحبها

قلتيلي احكيلي عنها اكتر قولى اسمها

مش عارف و متضحكيش عليا انتي كمان

متسرع على طول مدلوق من صغري من زمان

…………………………………………

فقالت لي اهم حاجة لما تحب لازم تقدر

تعرف قيمة حبيبتك و لأحلامها اياك تكسر

و متستعجلش قول الكلمة لما تحسها

و اوعاك تخبي عنها حاجة دايما قولها
…………………………………………

عدت سنين كتير و شوفتي ولاد ولادك

رغم الفراق ما بينا عمرما عيد ميلادي فاتك

بتجيلي في كل فرحة و بردو لما تضيق عليا

أنا مش مصدق اني عمري ما شوفتكيش بعنيا
…………………………………………

ربي اختارك تكوني جنبه و انا لسة فى اللفة

اكيد مكانك أحلى وأنا مبسوط لك أنتي عارفة

فكتبتي ليا لوحدي يجي ألف جواب و قصة

بتحاولي تعوضيني عن اللي فاتني و اللي لسه
…………………………………………

بس انتي بتوحشيني و بتمنى تكوني قربي

طول عمري بحس بيكي فكان نفسي تحسي حبي

سمعاني اكيد يا امي و اكيد كمان شايفاني

لو مش شايفك بعيني فقلبي شايفك من مكاني
…………………………………………

فِي السما بشوفك لَمّا الدُنْيا بَيا تَضِيق

و فِي اللَيْل بحكيلك عَنَّ كُلّ قَدِيم و جَدِيد

فِي غِيابكِ دايما جَنْبِيّ كَلامكِ مَحْفُور فِي قَلْبِي

رِسالتكِ مِشّ بَسَّ كَلام رِسالتكِ إِنْسان أَكُون

في السما

قد يعجبك ايضا

اترك رد

لن يتم نشر عنوان بريدك الإلكتروني.