كلمات أغنية رقم صحيح للفنانة المصرية أنغام بتحكي عن رؤيتها المختلفة للعالم، وقدرتها على التغلب على التحديات بفضل تفاؤلها وإيمانها بنفسها، وبتتكلم عن رحلتها في البحث عن السعادة وسط الدنيا المتقلبة، وحبها لتحقيق أحلامها من غير قيود. أنغام بتوضح في أغنية رقم صحيح إن الحياة لوحة ملونة وهي اللي بترسمها بنفسها، وعندها القدرة على تحويل الصعب لممتع.
كلمات أغنية رقم صحيح أنغام
بشوف الدنيا بعيون غير عيون الناس
عيون إحساس محدّش غيري يفهمها
ومين قال إنّ وسع الدنيا ما بيتقاس
دي نظرة عين تشوف كام شبر قدّامها
بلفّ الدنيا شرق وغرب ليل ونهار
من إنّي أحلم خيالي في ثانية بياخدني
أنا البحر بموجو وأنا البحّار
براح الكون يدوبك جزء من حضني
بعيش الدنيا متفائل
ومش سائل في شيئ ناقص
انا الفاهم انا الواعي
وطول الوقت انا حاسس
بأنّي قم صحيح في معادلة الدنيا
ولو حاجة راحت منّك
أكيد عندك حاجات تانية
وتستاهل عشانها تعيش
وبسمع صوت بيدخل قلبي زيّ النور
بيطرح غنّوة جوايا بدندنها
مفيش بيني وبين أحلامي سدّ وسور
حياتي لوحة بإيديا بلوّنها
أنا اللّي بإيدي بلمس نجم عالي بعيد
وقمر الحبّ بينوّر لياليا
وكلّ ما حلم يخلص يجي حلم جديد
وبكرة أنا شايفه أجمل بكرة في عينيا
وحالفين أنّنا هنكمّل المشوار
مفيش ولا لحظة في حياتنا نفوّتها
وهي الدنيا إيه غير ليل وبعده نهار
وسهل وصعب هو ده سرّ متعتها
كلمات اغنية وبقالك قلب – انغام
أغنية رقم صحيح – أنغام
كلمات: أمير طعيمة
ألحان: رامي جمال
توزيع: أحمد إبراهيم
مكساج وماستر: طارق مدكور