زاب ثروت

كلمات اغنية خمسة وعشرين الجديدة للمطرب المصري زاب ثروت Zap Tharwat نقدمها لكم اليوم مكتوبة وكاملة وهي من أروع أغاني الراب المصري من ألبوم المدينة 2018، يمكنكم الاستماع الى اغنية خمسة وعشرين وتحميلها من خلال موقع آي تيونز او تطبيق أنغامي نترككم مع اغنية 25 مكتوبة نتمنى أن تنال إعجابكم.

اغنية خمسة وعشرين

غناء : زاب ثروت

من ألبوم : المدينة 2018

الكلمات

محبوس في دايره من الأوهام واليأس

بحاول اتحرر كل يوم مش عارف لا بأس

يمكن لما الناس تتعرف علي أحزاني

تفهم تقدر تصرفاتي افعالي وجناني
………………………….

لا بقي كفايه كفايه كفايه تبرير

كفايه كفايه محاولات بائسه للتغيير

خلاص مش هسكت هتكلم بدعوكوا للسماع

هختم كلامي في النهايه بكلمة الوداع

………………………….

قررت أسيب حياتكم واسيبلكوا المسرحية

افرحوا بالاضواء والتمثيل والنجومية

وهمية الدنيا اللي كلنا عايشين فيها

عارفين والغريب بسنانكوا متبتين فيها

انا عارف ان أنا مش أول واحد يتعرض لضغوط

ولا هبقي اخر واحد ياخد حياته بأيده يموت
………………………….

مش كفايه طول اليوم نظراتكم ليا

بتجوني في فكري قبل النوم وفي أحلامياليوميه

اسألتكوا بتنهش عقلي زي الضباع بتحوم

وازاي ألوم في ضبع كنت بأمره بالصوم

فلو سألتوا هرد بأي كلام وأضحك عليكوا

بزعل لما تصدقوا الكذبه وتكذبوا عينيكوا

………………………….

يمكن بتصدقوني علشان ده اسهل علي ضميركم

بتسألوني مالك أنتم كتير وغيركم

بس عمر ما حد فيكم اهتم يسمع الاجابة

ولو فتحت قلبي ليكوا هتقولولي بلاش كآبة
………………………….

فسيبوني أروح لعالم تاني اجمل من عالمكم

أكون في وسط عالم أعلم بحالي منكم

الوداع للقوم الكاذبين المدعين لا تصطنعوا اهتمامكم

كلكم مكشوفين
………………………….

مش وحيد بس وحدي وسط ألمي ومحنتي

نفسي ليكوا أقول وأحكي تبقوا سندي وقوتي
………………………….

مِشّ وَحِيد بَسَّ وَحَدِّي وَسْطِ أَلَمَيْ وَمِحْنَتَيْ

نَفْسِي ليكوا أَقُول وَأَحْكِي تُبْقُوا سَنَدِي وَقُوَّتَيْ
………………………….

الوداع للقوم الكاذبين المدعين

لا تصطنعوا اهتمامكم كلكم مكشوفين

الكلام لمين لكل المستمعين

وعلي لسان مين مراهقين بكره يبقوا كبار

قلوب صغيره بتعاني سرعة الاحتضار
…………………………

ضغوط الأهل والمجتمع أثرت عليهم

زرعت فيهم مشاكل أبدا ما كانت ليهم

من تهميش صوتهم ودورهم في مستقبلهم من أهلهم

معاناتهم لو اختلفوا عن مجتمعهم في فكرهم

………………………….

ازاي بتلوم في شاب أنت السبب في تكوينه

بتستنكر وجوده بتذل فيه وتهينه

افعالك في الاساس هيا اصلاً سبب المرض

لو مش عاجبك تربيته المفروض أنت اللي تتحرج

………………………….

هرج ومرج جوه عقل الشاب اللى اتدرج

تحت تصنيف مكتئب عايش بيحلم بالفرج

الاكتئاب ده مرض مش حاله ولا موود

واصل لربع شبابنا بالأرقام والشهود
………………………….

٢٥٪ من الشباب مكتئبين

بيعانوا امراض نفسية وعن الحياة معزولين

٦٪ منهم بيفكروا في الانتحار
………………………….

وارجع لكتاب اكتئاب المراهقين والاطفال

فمتربوش ولادكوا ع الأوامر والتهزيق

متكسروش مقاديفهم بالكبت والتضييق

العنف مش بس عنف مد اللسان والإيد

العنف كسر النفس وتحويلهم عبيد
………………………….

فلو أنت نفسك مش متصالح مع نفسك متجبش

في الدنيا طفل في امراضك ينافسك

واعرف وافهم ان البنين زينه فتنه زي المال

فاللي معهوش فلوس بقي بيكنز في العيال

اللي غرقوا في مشاكل منشأها البيوت

انا مش جاحد لفضل أهلي ولا بدعوكو اللعقوق

انا بوصل حقيقه مجتمعنا مجتمع أملي وأملهم انه يسمعنا
………………………….

مِشّ وَحِيد بَسَّ وَحَدِّي وَسْطِ أَلَمَيْ وَمِحْنَتَيْ

نَفْسِي ليكوا أَقُول وَأَحْكِي تُبْقُوا سَنَدِي وَقُوَّتَيْ

شاهد ايضا

=====

كلمات اغنية الغربة

كلمات اغنية الحرب

كلمات اغنية السعادة

مواضيع ذات صلة

أترك تعليق

لن يتم نشر عنوان بريدك الإلكتروني.