موسوعة عربية شاملة

كلمات اغنية تسعة ونص Tesaa Wenos الجديدة للمطرب الشاب الجميل كريم رفعت Karim refaat، نقدمها لكم اليوم مكتوبة وكاملة وهي من أجمل أغاني الراب المصري من كلمات كريم رفعت نفسه، نترككم مع اغنية تسعة ونص 2018، نترككم مع اغنية تسعة ونص مكتوبة وكاملة نتمنى أن تنال إعجابكم.

اغنية تسعة ونص

كلمات : كريم رفعت

جيتار : بسام عمر

الكلمات

مشهد داخلى أوضة لونها سودا

مكونات المشهد فوضى من كتب وهدوم

………………..

تلفزيون مفتوح مدى ضوء خافت للأوضة

فى تمام الساعة تسعة ونص يقوم مخضوض من النوم
………………..

ياخد نفسه بيحب يقلب فى الجريدة

قالولى حاول فبحاول كل يوم

يجى ميت وظيفة خالية

مكتوبة بخطوط عريضة

وانا حديدة فى قلب المحيط بتحاول تعوم
………………..

ما علينا انا لازم ابدأ يومى

الشمس مستنية اذن شباكى المقفول

بيقولوا الشمس لما بتطلع هنسى كل همومى

فهحاول اكون مضياف وهسمح ليها بالدخول
………………..

اصوات فى بعض اعلاهم صوت دكان بيفتح

معجون بصوت عصافير وناس وكلاب بتنبح
………………..

فى نص الكادر شخص مبهم فيدقق فيه

مع انه مش واضح كان حاسس انه مستنيه
………………..

بلاقى فى حضن الوحدة نفسي فى سلام وهدوء

ياما سمعت اهالى قالوا انى صاحب السوء

فانا ببعد طول مانا مش مقبول سمونى المنبوذ

الدنيا لقتلى ملكة خلاص كسبت مش هافوز
………………..

بسهر بالليالى اكتب كلمات اغانى

بكتب كل نصيحة نفسي فى يوم حد يقولهالى

كما الطيف موجود او لأه الدنيا مش هاممها

دى حياة مكتوبة بخط دكتور ومش فاهمها
………………..

نفس الشخص المبهم واقف يلمحه بطرف عنيه

وقلبو بيدق ببتيمبو اعلى من المعتاد شدة خوفه

مع انه متكلمش حاسس انه بيناديه

فضولو بيسأله مين دا ومنين وليه بيشوفه
…………………………………………….

ألو ايوا ياحببتى كريم عايزة اقولك حاجة

قولى اسفة صعب نكمل مع بعض بتلك الحالة

طيب الى تشوفيه اتمنى تكون مش زعلان

احنا مكناش لبعض من البداية طيب سلام
………………..

يطمن نفسو يقول تمام هكون مشغول ليوم بطوله

الندى جوة عيونه يشهد عن اللى بيقوله

مش بتاع تحايل ولا حزن ودموع

احسن واحد فى الكون يمثل انه مش موجوع
………………..

ياما اتخدع ياما اتلسع ياما وقف بعد ماوقع

كسب مناعة من الهموم مببقاش يحس ويتوجع

ويدوب كالماية بعد ماكان تلجة جامدة

يادنيا خلاص كفاية تسديد لكمات لجثة هامدة
………………..

يشوف الشخص المبهم تانى لتالت مقابلة بيه

مستحيل انت تانى عايز منى ايه

متسبنى فى حالى مش كفاية اللى اتسببت فيه

لسة بيكمل يسيبه ويمشى ويختفي
………………..

دماغة تفهم المشاهد وتجمع الاحداث

لو كان الموت انا مستعد زهقت من الحياة

مستحيل دة شكله عادى زى كل الناس

اياً كان نوعه و طبيعته فانا لازم اتحداه
………………..

عضلات كتافة قويت من تقل الحمول عليها

ويطول ليله ويزين عينو بلون اسود تحتيها

بيلف بدون امل لقا مكتوب شباب للعمل

يمكن يلاقى حظه ويقبله انو يشتغل
………………..

فادخل كتب عنوانة واسمو وكل المطلوب

يقاطعو دخول الشخص المبهم فيشطب كل المكتوب

لاحظ ان فى كل فشل موجود الشخص المجهول

مش هسيبه اياً كان بالتأكيد هو المسؤل
………………..

بالتأكيد هو اللى مانعنى كل دة هو الفشل بعينه

كفاية تهكنات كفاية اجبات مبهمه

بطاردوه بيبعد عنى بمد بسبقه بجيبه

زقيتو فاوشو بان الشخص المبهم يبقا انا

قد يعجبك ايضا

اترك رد

لن يتم نشر عنوان بريدك الإلكتروني.