كلمات اغنية انفصام حاد الجزء الثاني مكتوبة وكاملة لمطرب الراب المصري الجوكر والمطرب سام، طرح الجوكر اغنيته انفصام حاد 2 عبر قناته الخاصة على موقع اليوتيوب، مشاهدة كلمات اغنية انفصام حاد الجزء الثاني مكتوبة، للاستماع إلى الأغنية وتحميلها تفضلوا بزيارة مواقع الأغاني العربية الشهيرة كموقع آي تيونز أو تطبيق أنغامي، كما تجدوا لدينا كلمات جميع أغاني الجوكر نترككم مع كلمات أغنية انفصام حاد الجزء الثاني مكتوبة.

اغنية انفصام حاد الجزء الثاني

Enfsam 7ad part 2 – El Joker

زي ما تكون الحياه معانداك وحالفة لتوقعك
عندك أمل تتقدم مهما كل شيء رجعك

كل ما يبقى فاضلك خطوه تتوجد ظروف تمنعك
إحساس إنك مش واخد حقك أكتر ما بيوجعك

وتقول لعله خير ومن تكرارها تشك في انه
لا خير ولا عمره كان ده شر ولنفسك زينته

انت ادعيت الزهد بركة اننا سيبنالك خيش
آخر مره السما تساعدك كانت أيام قريش

عايز تفصل بيننا وبين خالقنا عشان نعيش في غابة
عايزنا نثور على إمتحانه بدل ما تشوف إجابة

هتموت بتحارب الحياه ومدوقتش طعم صلح
كن جميل ترى الجمال كن قبيح فترى القبح

لم تدع هذه القرية العفة لشخص أو لجهه
ربما لا تعني هذه القرية شيئا للآلهه

كلها بتقول كلام كبير وبتعرف تلفت نظر
كلها بتقول ربنا كبير وتلف تاخد حذر

انا طيب وانا شرير فخايف أعيش وخايف اموت
بخاف الدنيا تسرقني وأخاف العمر مني يفوت

يحصلك خير تقول ثواب شر تقول مصاب
يحصلي خير تقول ده فضل شر تقول عقاب

الحياه يا أذكى أخواتك عشوائية نتيجة إن
ممكن فراشه في ليبيا تكون سبب إعصار في الهند

ومين اللي قالك إنه لو حصل فمش مكتوب
ربك بيسبب الأسباب وكل شىء محسوب

اما هو عارف مين هيتوب ومين هيموت حرامي
ما نتخلق ونخش نار وجنه بدون سياق درامي

وساعتها مش هتقول أنا اتظلمت مانا مظلوم
بس هو مين يوم الحساب هيكونله حق يقول

لأ محدش إتظلم ومكانش قدامه اختيارات
ومحدش مبياخدش الأربعة وعشرين قيراط

ده أفيون بيضربوه المتدينين فميشوفوش
إن في أشخاص معاها فلوس متملكهاش شعوب

الناس دي قيمة المال في عينها غير في عينك انت
خلفة مشتاق لخلفه غير السابعة لأب سته

حاسس بيك وعارف كل شىء فكرت فيه
ضاقت الحياه عليك ظنيت إنه السبب في الضيق

حسيته مش مهتم بيك أو كإنه بيعجزك
تستقيم إزاي والمستقيم بيتدهس بالجزم

كل الظروف كانت ضدي لكنني في المقاومه قدوة
ما لم تعطيه لي السماء قد اقتلعته عنوة

وياترى كام حاجة م اللي حاربت لأجل ما توصلها
ندمت اما وصلتلها عشان منابكش غير شرها

أنا عشت واتعلمت وانت لا عشت ولا هتعيش
لأ عشت لكن مجريتش ورا حاجات متكتبتليش

كان ممكن تاخد أكتر تفرح اكتر لولا غبائك
الدنيا اللي بتدعي إنك فاهمها هفهمهالك

أغني الناس رغم كل فلوسه عاشها يوم ويوم
يوم مرتاح يوم على أتفه حاجه مكانش يجيله نوم

أفقرهم عاشها بنفس الحسبة يوم ينام جعان
ويوم يرزق بعشا ينام الدنيا مش سيعاه

انا طيب وانا شرير فخايف أعيش وخايف اموت
بخاف الدنيا تسرقني وأخاف العمر مني يفوت

ربك كان قادر يصلح العالم فقط بظهوره
دي حجة أي شخص أضعف من الإيمان بوجوده

مش الصعوبة في الإيمان الصعوبة في الأعمال
عشان فرضها عليا إله وجوده مجرد إحتمال

كتر المعاصي حطك على أول طريق الكفر
شيطانك أشطر من حنين لن تعود بخف

انت بالنسبالك احتمال عدم وجوده مخيف
مش في صالحك تبقى غابه لإنك الطرف الضعيف

انت اللي فشلت تمشي صح فلما ذنوبك تقلت
أصبح عدم وجوده آخر أمل إن انت تفلت

انا براعي كل الاحتمالات عشان مخسرش حاجه
لو مش موجود انا عشت لو موجود قلت الشهادة

كان كله عمل زيك لو الجملة هي الدين
مش التوبه باب مفتوح خلاص نتوب على الستين

طب لو مت قبل كده تبقى أكيد متكتبتليش
لأ تبقى أخترت لآخر لحظه إنك متسمعنيش

انا المقسوم على الاتنين وناتج قسمتي توهاني
أميل لطريق من الاتنين وفترة أميل على التاني

انفصام حاد الجزء الثاني

غناء: الجوكر

مواضيع ذات صلة