كلمات أغنية الغربه Elghorba الجديدة للمطرب المصري الشعبي محمد سلطان Mohamed Sultan نقدمها لكم اليوم على موقعنا مكتوبة وكاملة وهي أغنية حزينة تحكي عن الغربه وعذابها نترككم الآن مع كلمات أغنية الغربه مكتوبة نتمنى أن تنال إعجابكم .

اغنية الغربه

غناء : محمد سلطان

الكلمات

وآه من الغربه يا أبا

آه من الغربه يا أبا آه

بعد سنين في الغربه شافوني

قالولي جايب جايب إيه من بره

قولت ياريتهم لو سألوني

أنا في الغربه بكيت بكيت كام مره

……………………………

جبت حاجات من اللي يحبوها

جبت فلوس و ياريت ياخدوها

و يردولي شباب ضاع مني

وسنين مت وهما عاشوها

……………………………

على إيه بس يا ناس حاسدني

و أشقى ما فيكم اسعد مني

إنتم عشتم أحلى سنينكم

و أنا في الغربه معشتش سني

……………………………

أنا الكبير قبل آواني

و بختي في الغربة رماني

……………………………

خدوا مني كل اللي جمعته

وارجع صغير من تاني

……………………………

أنا راح عمري آلام ودموع

أنا قضيتها سفر و رجوع

وان فكرت أضحك من قلبي

قلب الغربه يقول يقول ممنوع

……………………………

إتحملت يا ناس فوق طاقتي

و إتغربت في عز برأتي

كتبوا لكل الناس عنوانها

وأنا كتبولي غريب في بطاقتي

……………………………

تمن الغربه دفعتوا بدمي

لسنين فيها بعيد عن أمي

لما نويت أرجع علشانها

رحلت لأجل تزود همي

……………………………

مين في الغربه يا ناس مبسوط

مين على راحته مش مضغوط

……………………………

مين إتحدى يقول مش خايف

مش خايف انه بعيد عن بلده يموت

……………………………

ياللي بتسعى عشان تتغرب

خدها نصيحة و إوعى تجرب

كولها بدقة في بلدك و إوعى

إوعى من مشاوير الغربة تقرب

الغربه

مواضيع ذات صلة