زاب ثروت

كلمات اغنية الصحاب الجديدة للمطرب المصري زاب ثروت Zap Tharwat والفنان حمزة نمرة Hamza Namera وهي من أجمل أغاني ألبوم المدينة 2018، مشاهدة كلمات اغنية الصحاب مكتوبة وكاملة، يمكنكم الاستماع الى اغنية الصحاب أو تحميلها من خلال موقع آي تيونز او تطبيق أنغامي، نترككم مع اغنية الصحاب مكتوبة.

اغنية الصحاب

غناء : زاب ثروت وحمزة نمرة

من ألبوم : المدينة

الكلمات

زمان بس مش زمان ألف ليلة وليلة

زمان وقت الطفولة الحلوة وايامنا الجميلة

كان عمري عشرة اتناشر مش اكتر من كدة

عرفت كريم صديقي اللي من ايام الصبا

اخوات مش اصحاب يمكن تقول علينا

يفرقنا بس الشكل والاختلاف اللي في اسامينا
…………………….

نفس حب الكورة فينا ولعبها اللي بالساعات

هتلم فرقة هلم فرقة ونلعب علي التيشرتات
…………………….

ياما في مدخل العمارة سهرنا علشان الوقت اتأخر

والصبح للأتاري اليوم في ثانية كان يتبخر
…………………….

في الشتا كنا نتقابل بعد خروج المدرسة

تكمل العصابة بينا وننزل تاني علي العشا
…………………….

في اللي منا هادي عاقل واللي صوته عالي هيصة

واللي ملهش في المشاكل واللي خناقاته عويصة
…………………….

واللي من صحابنا بعدوا عشان سجارة جديدة غير

لفوا مهما لفوا تاهوا رجعوا لان ملكش غير
…………………….

كشك عبده كان مجمع جمبه من الحبايب ألف

كنا كتير وما حد غايب واللي يغيب اكيد في ظرف
…………………….

في الفرح دايما جماعة ومينقصش منا واحد

في العزا تلقانا صف كتف في كتف وضهر واحد
…………………….

الزعل ما بينا نادر كلمة اسف كانت تدوب

اي خصام مابينا كان وجمب اخويا اياك تهوب
…………………….

ايوة عيلة بدون روابط الأسر والقرايب

اختك اختي واهلك اهلي في وجودك او كنت غايب
…………………….

صحاب اصلية فقرية دماغهم مشكلة

رجولة ومية مية دول عشرة قديمة مكملة

لو فين اراضينا حاسين ببعضينا

كبرت وشوش بس القلوب جدعان متغيروش
…………………….

عايز احكيلكم ع السعادة والايام الحلوة بينا

البوم عمرو في المعمورة قبل راس سدر ومارينا
…………………….

العربية حمولة خمسة بس راكب فيها سبعة

بنسافر الصبح بدري وبنرجع بالعافية في تسعة
…………………….

الحكاوي قبل نومنا نفضل باليومين صاحيين

الشاليه لو اوضة واحدة عادي يكفي اربعين
…………………….

فرقت الجامعة بينا باختلاف مواعيدنا

واتخرجنا بسرعة منها بس كنا خلاص بعدنا
…………………….

صوت الجيش عمال ينادي اللي داخل واللي أجل

واللي أخد الأعفا دغري ولمعاد الفيزا سجل
…………………….

كبرت الدنيا علينا والمكالمة بالمعاد

اصل فلان هاجر لكندا وفرق التوقيت بالساعات
…………………….

هما اتنين تلاتة بقيوا في الوصال والاتصال

ونقول الدنيا تلاهي وكل واحد حاله حال
…………………….

وفي يوم ابويا تعب كنت هموت من الخوف عليه

القدر يعمي البصر طب هتصرف اعمل ايه
…………………….

فكلمت اول نمرة من صحابي كنت فاكرها

حس بيا واللي فيا

من مكالمة وفي اولها ونص ساعة

وكان تلاتة من صحابي قصادي جم

زادوا اكتر بعد ساعة ايوة دول صحابي اهم

ورجعنا تاني صف واحد كتف في كتف وضهر واحد

كل اخواتي كانوا جنبي ومنقصش منا واحد

قام ابويا بعدها كانوا سندي وقتها

والحكاية دي حقيقة والله مألفتها
…………………….

صحاب أَصْلِيَّة فَقَرْيَة دِماغهُم مُشَكَّلَة

رُجُولَة ومية مية دُوَل عَشَرَة قَدِيمَة مكملة

لُو فَيِن أَراضِينا حاسين ببعضينا

كَبَرتِ وَشَوَّشَ بَسَّ القُلُوب جِدْعان متغيروش

شاهد ايضا

=====

كلمات اغنية الغربة

كلمات اغنية المدينة

كلمات اغنية لو تسمعيني

مواضيع ذات صلة

أترك تعليق

لن يتم نشر عنوان بريدك الإلكتروني.