زاب ثروت

كلمات اغنية الحرب Al 7arb الجديدة للمطرب المصري زاب ثروت Zap Tharwat نقدم لكم كلماتها مكتوبة وكاملة وهي من أجمل اغاني الراب المصري ضمن أغاني ألبوم المدينة 2018، الاستماع الى اغنية الحرب او تحميلها من خلال موقع آي تيونز او تطبيق أنغامي، نترككم مع اغنية الحرب مكتوبة نتمنى أن تنال إعجابكم.

اغنية الحرب

غناء: زاب ثروت

من ألبوم: المدينة

الكلمات

كل طريق فيه حكمة فوق نفسك بلكمة

اصحي شوف عدوك اعرف كل حركه ولازمه

الحرب خدعه مش اي حاجه تانية

الحرب فرصة ممكن تكسب في اي ثانية
………………………………

محسوبه كل خطوه ايوه والالم موزون

الحرب عقل طول الوقت ومساحه للجنون

تراقب تحلل وتستوعب الخصم

تخطط ازاي هتغلب المضمون والجسم

………………………………

عدوك لو ضعيف مش هتسميه عدو

عدوك دايما اقوي منك بس عادي

ولو لكل حرب خطه خدعه مداخل

لكل شخص نقطه ضعف هوا عنها غافل
………………………………

لازم تذاكر ماضيه تتوقع مستقبله

لازم تحفظ تاريخه من بدايته ومن اوله

ولازم تديله شأنه من غير ما تهوله

لازم يديك اجابته من غير حتي ما تسأله
………………………………

زيك زي اللي قبلك واللي بعديك

عايز تموت شرالعالم موت الشر اللي فيك

………………………………

زِيّكَ زِيّ اللَيّ قَبِلَكِ وَاللَيّ بُعْدَيْكِ

عايِز تَمُوت شرالعالم مَوَّتَ الشَرّ اللَيّ فِيكَ

………………………………

عرفت قانون الحرب طب عرفت مين عدوك

عرفت مين اللي عايش طول عمره علشان يضرك

أنت عدوك أنت أنت الشيطان أنت

أنت اللي بتهرب من مواجهه نفسك من زمان

فمتدورش بعيد أنت الحرب والمعركة

متلومش غيرك يا ابني أنت الكذب والفبركة
………………………………

أنت كل شر شوفته وهتشوفه في الناس

وأنا نسخه منك أنت أنا في الاساس

………………………………

انا أنت وأنت الكابوس انا

انا اللي بايع كل حاجه بالفلوس انا

انا الانسان اللي جواك بس اتقتل

وانا اللي فسر الصراحه بالفشل

………………………………

واختار يواجه صوت ضميره بالكسل

عشان يبرر كل شئ منه في عمره اتعمل

زيك زي اللي قبلك واللي بعديك

………………………………

زِيّكَ زِيّ اللَيّ قَبِلَكِ وَاللَيّ بُعْدَيْكِ

عايِز تَمُوت شرالعالم مَوَّتَ الشَرّ اللَيّ فِيكَ

………………………………

زِيّكَ زِيّ اللَيّ قَبِلَكِ وَاللَيّ بُعْدَيْكِ

عايِز تَمُوت شرالعالم مَوَّتَ الشَرّ اللَيّ فِيكَ

شاهد ايضا

=====

كلمات اغنية الصحاب

كلمات اغنية الغربة

كلمات اغنية السعادة

مواضيع ذات صلة

أترك تعليق

لن يتم نشر عنوان بريدك الإلكتروني.