بوستر اغنية احلام الشباب

كلمات اغنية احلام الشباب سمسم شهاب واحمد شهاب مكتوبة وكاملة، أغنية أحلام الشباب من كلمات الشاعر احمد شريف وألحان الفنان سمسم شهاب وتوزيع خالد عرفه، إليكم كلام اغنية احلام الشباب 2019 مكتوب.

كلمات اغنية احلام الشباب

السنين بتلف بينا كل ده واحنا شباب
كل مادا تضيق علينا كل يوم يتسد بابا

أحلامنا بقت ذكرى من الضيقة ومن الكتمة
ومش شايفين من بكرة غير شبورة وعتمة

وأيام شبه بعضنا واقعين اهو في عرضها تسيبنا مستورين
دي ظروفنا زي الشتا مش نافع فيه الغطا وتملي بردانين

وأيام شبه بعضنا واقعين اهو في عرضها تسيبنا مستورين
دي ظروفنا زي الشتا مش نافع فيه الغطا وتملي بردانين

كانت الأحلام يا دنيا زمان طايلة السحاب
دلوقتي الحلم طقة وأربع حيطان وباب

كانت الأحلام يا دنيا زمان طايلة السحاب
دلوقتي الحلم طقة وأربع حيطان وباب

وياريتهم مطالين دول أبعد من الايدين
وانا اهو زي اللي زيي عايشين ومش عايشين

كان نفسي يكون لي بيت مفتوح اشقى عشان اراعيه
وضنايا منين يا دنيا ما اروح تفضل ايدي في ايديه

كان نفسي يكون لي بيت مفتوح اشقى عشان اراعيه
وضنايا منين يا دنيا ما اروح تفضل ايدي في ايديه

يعيش مسنود عليا يكبر قدام عنيا
ساعة ما يقول يا بابا اطير من الفرحة بيه

كان نفسي يجري في إيدي القرش واساعد ابويا بيه
واحسسه إن شقاه مضاعش ع الفاضي وهيلاقيه

كان نفسي يجري في إيدي القرش واساعد ابويا بيه
واحسسه إن شقاه مضاعش ع الفاضي وهيلاقيه

وامي الغالية بحنانها تتباهى وسط جيرانها
وتقول اهو ابن بطني اللي ضاع عمري عليه

كان نفسي اعيش شبابي واشوف الدنيا في عين حبيبة
مش عين شايفة الحياة من الخوف سودة وضلمة وكئيبة

كان نفسي اعيش حياتي واشوف الدنيا في عين حبيبة
مش عين شايفة الحياة من الخوف سودة وضلمة وكئيبة

مسدودة من كل ناحية وهمومها تملي صاحية
وكل حاجة فيها مش مفهومة وغريبة

ومين ياناس بس المسؤول ع اللي احنا بقينا فيه
ليه اللي فعلاً عنده حلول ساكت وسايبنا ليه

ومين ياناس بس المسؤول ع اللي احنا بقينا فيه
ليه اللي فعلاً عنده حلول ساكت وسايبنا ليه

بنقول اه من وجعنا على غربتنا وضياعنا
ده جيل بيضيع قدامكم وبتتفرجوا عليه

بس احنا مش هنضيع لينا رب قادر على كل شيئ
هيهون المشوار الصعب وينور الطريق

بس احنا مش هنضيع لينا رب قادر على كل شيئ
هيهون المشوار الصعب وينور الطريق

هو اللي عالم بينا مسيره هيعدينا
وبكرة يا ناس هتفرج مهما هتضيق علينا

اغنية احلام الشباب

مواضيع ذات صلة

أضف تعليق

لن يتم نشر عنوان بريدك الإلكتروني.