كلمات مهرجان زى الأسد واقف وتد غناء حمو الطيخا، بتحكي عن واحد خسر صحابه عشان الفلوس بس تمسك بكرامته، بيشوف الناس جزارين والجدعنة عملة نادرة، بيقسى بعد ما اتلدغ، وبيعشق الوحدة ويقف زى الأسد رغم الوجع.
كلمات مهرجان زي الأسد واقف وتد – حمو الطيخا
شاري الرخيص خسران وعايش مديون ومفرحشي
غير اللي اشترى كرامته في الدنيا مخسرشي
هيا الفلوس وسيلة بس خسارة متدومش
اللي يدوم في السيرة تقعد متروحشي
يا قلبي قول فين الأصول وسط ولاد الأندال
يابني الجدع يفضل جدع متشغلوش أموال
يا شِدّة شِدّي قَدّ التحَدّي ثابت وعمري ما أميل
يكفيني بس عِزّة النفس وإني شخص أصيل
متعملش جدع اعمل فلوس أصل الصحاب بتبيع
أصل اللي ضَحّى لأجل صاحبه في طريق ضياع بيضيع
هيا الحياة بتدّي دروس تعلمك تعيش جاحد وصاحي للجميع
خد موعظة من اللاتأذى متروحش تشكي طريق
تخلص لمين دول جَزّارين تخلصهلهم يبيعوك
رصيد الغلاوة قد نفذ هشحن باقة القسوة
وهرِنّ على اللي أذوني هزيهم عليهم هقسى
مدّتليهم أيديا عضّوني كلاب ولا تسوى
توهت في بحر الصحاب الخاينة مركبي ملهاش مرسى
تخلصهلم وتحبهم تطلع يابا خسران
زود وجع فوق الوجع كوكتيل اسمو الأحزان
لو تنتدب تلقى الأدب كسبان مع اللي خان
أصل اللي صان مركوب حصان ممنوع هنا السلكان
هي الظروف أجدع جهاز يكشف طبيعة الناس
ترُدّ غيبة الكل مانت ألماظ وهما نحاس
تلاقي كلو ماسك في سيرتك وقطعوها بأمواس
هكرفلكم هلبسلكو نضارة من إسمنت
حلو الفاميه خمسة عليه خَلّاني أشوفكم في صمت
أنا الاآري أنا هفتري هعيشها من أبو بلاش
يعني هتخيب تتعامل غريب اسلكو بقا لله
عشقت ليه الوحدة مفهاش خباثة البشر
مرض الندالة زي الوباء مابين صحابي انتشر
من غيركم أعيش لا مشتكتيش ولا قلبي يوم يتكسر
زي الأسد واقف وادد ربك ده رَبّ قلوب
عيشت برجولتي وبرغم ضيقتي غالب ومش مغلوب
عشيت بنفسي أنا برجولتي مش بفلوسي
يالي أنتو منتظرين كسرتي الدنيا بوسي بوسي
مهرجان زي الأسد واقف وتد – حمو الطيخا
Zay El Asad Waqef Watad – Hamo El Tikha
كلمات: الباحه
توزيع: حمو موكا
المزيد من أغاني حمو الطيخا
ولا يا مقطع لـ حمو الطيخا
اكتب بحبر القلم – حمو الطيخا
مطروش وكاره نفسيتي – حمو الطيخا
سلطاتي دريجزينو – حمو الطيخا
كمنونا وبرشمونا – حمو الطيخا وفارس سكر