كلمات اغنية زمن الكاش غناء أحمد شيبه وعمر الكروان من مسلسل حد أقصى بطولة روجينا، بتناقش زمن الكاش اللي فيه القرش يحكم كل شيء ويتساوى الغالي باللي ما يسواش، الناس تطنش راحة البال عشان الفلوس والغدر يشتغل بدل الإخلاص، والطيبة تبقى غشامة تودي في داهية، وبتترك إحساس مر بواقع خانق.
كلمات اغنية زمن الكاش – أحمد شيبة وعمر الكروان
الموضوع وما فيه
في جنيه تساوي جنيه
ما إحنا بقينا ف زمن القرش وكلّه بيجري عليه
طنّشوا راحة البال
علشان راحة المال
ما الغدر عامل شغل تقيل والإخلاص مش شغّال
النفس الأمّارة
خدعتهم يا خسارة
لمّا اتغمّت عينهم
قالوا على الحب تجارة
يا خسارتك يا طيابة
النفخة الكدّابة
دي الموضة الغلابة
وهتروحوا فين يا غلابة
إحنا ف زمن الكاش
ساوى اللّي مايسواش
باللّي معزّز نفسه
وبقى يتباع ببلاش
لو شايل ومعاك
كلّه هيبقى معاك
حتّى إن دوست عليهم
هيقولوا دوسنا فداك
راح زمن الجدعان
زمن أخلص تتخان
كلّه هيخلص بس ف حالة لو جيبك مليان
صنف البني آدمين
كلّه بقى الوشّين
كلّه بيعمل طيّب والطيّب يلاقيها منين
يا غشامتك ياللّي أنت لسّه جدع زي ما أنت
أصل طيابتك ديه دلوقت أكبر غلطة
أصل سلامة النيّة دي بقت حالة نفسيّة
لو عرفوا إنّك طيّب
يكتبولك أدوية
اغنية زمن الكاش – أحمد شيبة وعمر الكروان
Zaman El Kash – Ahmed Sheba & Omar El Karawan
كلمات: حسين خالد
الحان: عمر حفظي وأوشا
توزيع: زيزو فاروق
المزيد من أغاني أحمد شيبة
باب الجدعنة لـ أحمد شيبة
بقول لاء لـ أحمد شيبه
أنا والشيطان لـ أحمد شيبه وعنبه
كان كان لـ أحمد شيبة
يا دنيا لـ أحمد شيبة وعلي لوكا