كلمات اغنية يا زعلانين للفنانة كارمن سليمان بتقدم رسالة إيجابية مليانة أمل وتفاؤل. الأغنية بتخاطب كل شخص زعلان أو حزين، وبتدعوه يعيش حياته ويستمتع بيها لأن “العمر مرة”.
كارمن بصوتها المميز بتشجع الناس يبعدوا عن كل حاجة بتأثر على نفسيتهم وينسوا الهموم. تعالوا نتعرف على كلمات يا زعلانين (يلا) مكتوبة اللي بترفع المزاج وتخلي الإنسان يبتسم.
كلمات اغنية يا زعلانين كارمن سليمان
يا زعلانين
فادكم بإيه الزعل يا ناس
هي السنين
فيها كام سنة يضيعوا خلاص
ليه تشوفها مُرّة
ده العمر مرّة
ده العمر مرّة والفرح لايق عليك
أوي بالمقاس
يلّا نبعد عن اللّي يأثّر ع النفسيّة
يلّا نعدّل مزاجنا ويبقى ميّة ميّة
يلّا لو قلنا خير هنلاقي الفرحة جاية
يلّا يلّا يلّا
يلّا لو ضاقت حبّة نصبر عادي يعني
يلّا مش هتفيد الهموم واسمعها منّي
يلّا عايزين نقوم مع بعضنا ونغنّي
يلّا يلّا يلّا
اضحك وقول للناس فوايد الانبساط
عندي الحلول حلوة وهتنسيك اللّي فات
كبّر دماغك وانسى اللّي سابك
جرّب هتفرق لو تسمع مرّة الكلام
كده من سكات
الساعة كام قوم شوف بقالك قد إيه
عمّال تفكّر في إيه الحياة واقفة عليه
عايزك تروّق حبّة وتفوّق
وانسى اللّي حاصل واللّي عاملك صداع
واردم عليه
يلّا نبعد عن اللّي يأثّر ع النفسيّة
يلّا نعدّل مزاجنا ويبقى ميّة ميّة
يلّا لو قلنا خير هنلاقي الفرحة جاية
يلّا يلّا يلّا
يلّا لو ضاقت حبّة نصبر عادي يعني
يلّا مش هتفيد الهموم واسمعها منّي
يلّا عايزين نقوم مع بعضنا ونغنّي
يلّا يلّا يلّا
هتعدّي عادي
لمّا انت تبقى في الدنيا راضي
وتقول لنفسك إنّك معادي الحزن
واللّي يزعلك
دي الدنيا كوم وانت اللّي زيّك فيها كوم
فوّق ياعم ويالّا قوم كبّر دماغك قولتلك
جرّب كلامي مرّة دا الضحكة ليها طلّة
بتخلّي الدنيا فلّة يلّا يلّا
يلّا نبعد عن اللّي يأثّر ع النفسيّة
يلّا نعدّل مزاجنا ويبقى ميّة ميّة
يلّا لو قلنا خير هنلاقي الفرحة جاية
يلّا يلّا يلّا
اغنية يا زعلانين – كارمن سليمان
Carmen Soliman – Ya Za3alneen (Yalla)
كلمات: كريم نيازي
ألحان: كريم نيازي
توزيع: توما
المزيد من أغاني كارمن سليمان
إنت وبس
صعبتها ع اللي بعدي
طبطب عليا
الدنيا رايقة
حب إيه يا حسرة