كلمات اغنية يا سهرانين لحمزة نمرة من ألبوم “قرار شخصي” بتوصف ليالي السهر والتفكير اللي بتسرق النوم من العين. الأغنية فيها إحساس الوحدة والتعب من الذكريات، وكل كلمة فيها قريبة من أي حد عاش لحظات قلق أو حيرة. لو حابب تقرأ كلمات يا سهرانين مكتوبة وكاملة، هنا هتلاقي كل إحساس بسيط وصادق يوصل لقلبك.
كلمات اغنية يا سهرانين حمزة نمرة
وأدّينا سهرنا يا قلبي
ماسيبناش فرصة لعيننا تنام
ولا باقي على بالي غير ذكرى
وكوم أوهام
بتاخدنا لنفس النّقطة
لأكتر حتّة في روحنا ضلام
ومابقاش فينا حيل نتعذّب زيّ زمان
مساكين يا سهرانين اللّيل
تايهين وتعبنا م التّفكير
ساكتين وقلوبنا دايبة كلام
حكايات بنعيدها بالتّفصيل
ليه نطفي النّور ونقيد
كام جرح عنيد نفسنا ننساه
ليه خايف وراعبنا
من بكرة اللّي ما عيشناه
ياما سيبنا روحنا وخوفنا حبسنا
وعيشنا الوهم معاه
ياما من تفكيرنا تعبنا
ونزلت دمعتنا معاه
مساكين يا سهرانين اللّيل
تايهين وتعبنا م التّفكير
ساكتين وقلوبنا دايبة كلام
حكايات بنعيدها بالتّفصيل
لو بس نعدّي اللّيلة
ونعرف نطلع منها سلام
لو قفّلنا على السّيرة
لو أنام وأنا مش زعلان
طب مين يلحقنا يا قلبي
في نصّ اللّيل ونفضفض ليه
يا جراحي مين صاحي
أحكيله أنا حاسس إيه
مساكين يا سهرانين اللّيل
تايهين وتعبنا م التّفكير
ساكتين وقلوبنا دايبة كلام
حكايات بنعيدها بالتّفصيل
اغنية يا سهرانين – حمزة نمرة
Hamza Namira – Ya Sahraneen
كلمات: محمد الشافعي
ألحان: حمزة نمرة وأندريه مينا
توزيع: خالد عصام
المزيد من أغاني حمزة نمرة
اتخمينا
شيل الشيلة
شمس وهوا
عزيز عيني
كله على الله