كلمات اغنية يا روح لحمزة نمرة من ألبوم “احكي” بتاخدنا لجو من العزلة والصراع النفسي، وبتوصف حالة “الدوشة” اللي جوا العقل لما الباب يتقفل، مع محاولة يائسة للهروب من ذكريات بتوجع وحنين بيتحول لهلاك عشان الجروح القديمة ما تتفتحش تاني. حالة شجن بتلمس الوجع المستخبي.
كلمات اغنية يا روح – حمزة نمرة
يا روح
رجعت أوضتي، قفلت بابي قوام.. عليّا
صمت تام، والدوشة فيّا عقلي مش بينام
ليه نطفي، كل نور، ونقيد يا قلبي
كل جرح عنيد تعبنا وهدّ فينا زمان
كام خوف حبسنا، وكله من ورا تحليلاتنا للي فات
خلّينا ساكتين وقديمنا قديم، بكفاية يا قلبي عناد
يا روح، ما خلاص ما بعدك روح
ده كلام، ما بلاش نفتح فيه
ديه جروح لو جت سيرتها تزيد
طب ليه، فينا اللي مات نحييه
ليه يا قلبي بتسيب، دماغنا تودّي وتجيب
ده سهم الذكرى بيصيب، مالوهش حبيب
ليه تاخدني ويّاك، من حنين لحنين لهلاك
ذكرى ليها سنين مفارقاك، وأنت لِسّة هناك
ما هو بان لي بوضوح
إنه مش مسموح تاني نبوح
للهموم، خلّينا ساكتين
وقديمنا قديم، ما تسيب جرحنا ملموم
يا روح، ما خلاص ما بعدك روح
ده كلام، ما بلاش نفتح فيه
ديه جروح لو جت سيرتها تزيد
طب ليه، فينا اللي مات نحييه
اغنية يا روح – حمزة نمرة
Hamza Namira – Ya Ro7
كلمات: محمد الشافعي
ألحان: حمزة نمرة
توزيع: عمرو الخضري
المزيد من أغاني حمزة نمرة
احكي
ومشيت
اهدى
طاير م السعادة
وينك من زمان