شيلة يا كاغد القرطاس لعبدالعزيز العليوي بتعبر عن حالة الشوق والغزل، وبتصور جمال الحبيب بتفاصيل مدهشة تمزج بين الصور الطبيعية والرمزية. الشيلة بتبرز الإبداع في التعبير عن الحب والشغف بأسلوب راقي يجذب المستمعين، مع لمسة أدبية تضيف لها عمق ومعاني جميلة.
كلمات شيلة يا كاغد القرطاس عبدالعزيز العليوي
ياكاغد القرطاس خلّ الزاج
ينثر شعوري وآخر إنتاجي
دام المتيّم موج بوحه هاج
وعسعس عليه اللّيل وإنساجي
خلّه يفضفض لو لِحِقْه إحراج
وسرّه تعدّى ظَلْم وسواجي
حندس ظلام أرهق فتيل سراج
يرجي شعاع الصّبح ينباجي
ودمع الحزين إن هلّ هلّ أزواج
من معصرات الهمّ ثجّاجي
بيّح سدودي مترفٍ مغناج
وصفه يعجّز كلّ هرّاجي
حلو النّبا حبّوب طلق حجّاج
عذب اللّمى والخدّ لعّاجي
وشمس النّهار بوجهه الوهّاج
وليل الدّجى مجدوله الدّاجي
وخنجر ذياب وقسوة الحجّاج
وحكمة إياس بطرفه السّاجي
وجنّه ونار وجلنّار وعاج
وملحٍ فرات وعذبٍ أجاجي
والقيروان وقابس وقرطاج
ومهد الذّهب وعيون الأفلاجي
والجمر والجمّار والدّيباج
بين الجبين وجيده العاجي
قلعة جمال محصّنه بأبراج
فيها يهاب ويأمن اللّاجي
وعرش الجمال اليوسفيّ والتّاج
حاشه بلا تصويت وإحراجي
له نوق شوقي زرفلن أفواج
كلّي ظما والزّين هدّاجي
والعمر ساعة والدّروب فجاج
واللّه يحقّق ما رجا الرّاجي
لولا الرّجا ماحجّوا الحجّاج
ولافكّر المسجون بإفراجي
والحرب كرّ وفرّ واستدراج
والحبّ حربٍ مابها ناجي
وش خجّ قلب فهيد بن مجماج
وخلّا خليل يهيم ويناجي
الزّين يذبح ياللّه المخراج
وصدّ الحبايب موتٍ مفاجي
والوضع مايحتاج لاستنتاج
شوفه شفاي ووصله علاجي
أقول والّا أقول مايحتاج
أحسن لي أسكت وأرجع أدراجي
شيلة يا كاغد القرطاس – عبدالعزيز العليوي
Ya Kaghed Al Qirtas – Abdulaziz Al Alawi
كلمات: خليل الشبرمي
ألحان: فلكلور مطوّر
توزيع: مهند سيف
المزيد من شيلات عبدالعزيز العليوي
كلمات شيلة ربان السفينة – عبدالعزيز العليوي
كلمات شيلة سليل المجد – عبدالعزيز العليوي
كلمات شيلة يالورق – عبدالعزيز العليوي
كلمات شيلة عزاً على عز – عبدالعزيز العليوي
كلمات شيلة صكو العتبان – عبدالعزيز العليوي