كلمات اغنية وبخاف غناء طارق الشيخ، بيحكي فيها عن الوجع اللي شايله جواه وأنه بيخاف يحكي للناس عشان مش كلهم بيحسوا بغيرهم بيبين أنه بيمثل انه بخير رغم انه حاسس بتعب كبير ومش لاقي حد جنبه يطمنه ويفتحله قلبه عشان خايف من كلام الناس عليه.
كلمات اغنية وبخاف لـ طارق الشيخ
شايل في قلبي وجوّا منّي حاجات كتير
وبرغم إنّي لسّه سنّي مش كبير
حاسس كأنّي حدّ عنده 100 سنة
وتملّي أحسن كدبة عندي بقول بخير
مابحبّش أحكي لحدّ عنّي وعن مشاكلي
لو جوّه منّي 100 وجع ما يبانش على شكلي
بضحك تملّي وبعمل نفسي أنا
إنّي أقوى واحد وواقف على رجليّ
وبخاف بخاف لا يقولوا عليّا الناس
بخاف بخاف بفضل ساكت وخلاص
علشان مش كُلّ الناس بتحسّ بوجع الناس
في كتير وكتير عنده حُبّ استطلاع
وده فاضي وعايز يسمع حبّة أوجاع
إيه لزوم الكلام ما يرجّعش اللّي ضاع
حواليّا ناس ياما لكن دايمًا لوحدي
ولا مرّة حسّيت إنّ أنا في حدّ جمبي
وسط خنقة وهوجة وخلق كدّابة
إزّاي هآمن حدّ بس وأفتح له قلبي
في ناس خسارة أصلًا تتكلّم معاها
علشان كلامك مش هيفرّق شيء معاها
وأنتَ طيّب بتقول دول غلابا
وفجأة تلقى أكبر مصيبة من وراها
وبخاف بخاف لا يقولوا عليّا الناس
إنّي بخاف بخاف بفضل ساكت وخلاص
علشان مش كُلّ الناس بتحسّ بوجع الناس
في كتير وكتير عنده حُبّ استطلاع
وده فاضي وعايز يسمع حبّة أوجاع
إيه لزوم الكلام ما يرجّعش اللّي ضاع
اغنية وبخاف – طارق الشيخ
Tarek El Sheikh – Webakhaf
كلمات وألحان: فراويله
توزيع: حاتم محسن
المزيد من أغاني طارق الشيخ
كله فيك لـ طارق الشيخ
تاجر السعادة لـ طارق الشيخ
مبقتش عارف – طارق الشيخ
بكام – طارق الشيخ
حكيم باشا – طارق الشيخ