كلمات اغنية وصلتي للفنانة ياسمين علي، بتوصف اشتياق بنت لحد حنين يسأل عليها في كل غياب ويطمنها إنها وصلت بالسلامة. بتحكي عن راجل يكون من عيلتها في الإحساس، يسمع مشاكلها ويشاركها تفاصيلها، ويفضل سند وحماية يخليها تحب نفسها وترتاح ويطرد عنها زعل الأيام.
كلمات اغنية وصلتي – ياسمين علي
واحشني حَدّ يقولّي
إيه طَمّنيني وصلتي؟
وف زعلي منه يقولّي
مقدرش تبقي زعلتي
أرتاح له ولأفكاره
ولجَدّه قبل هزاره
وأحِسّ فيه من عيلتي
ما يكونش عقله صغَيّر
ولا جَيّ فيّا يغَيّر
ولا جَيّ يتقّل شيلتي
يفضل دايماً حواليّا
ما يسبنيش وأنا تعبانة
وما أباتش دموع ف عينيّا
ما ينيّمنيش زعلانة
يسمع وأنا بحكي مشاكلي
يشاركني ف كل حكايتي
أهتم عشانه بشكلي
وأرجع أحِبّني ف مرايتي
أنا عايزة حَدّ حِنَيّن
ما يجيش عليّا يزوّد
م الأوّل أبقى بحِبّه
مش أحِبّه لَمّا أتعوّد
طريقته تبقى مريحة
يجبرني أبقى صريحة
مش أصارحه علشان لازم
عايزاه يكون ويّايا
ظهر وسند وحماية
أكتر كمان م اللازم
اغنية وصلتي – ياسمين علي
Yasmin Ali – Wasalty
كلمات: عليم
الحان: يوحنا
توزيع: يوسف مؤنس
المزيد من أغاني ياسمين علي
إهداء
شمعة جديدة
الاصول العربية
حلوة الدنيا
زي الموج