كلمات اغنية واد غلبان للفنان ميشيل مساك، بتحكي عن قصة شاب بسيط قلبه مكسور لقى الحب اللي كان بيتمناه في بنت، بس اكتشف في الآخر إنها خدعته وخانته. الكلمات بتكشف عن وجع الخيانة وصعوبة نسيان الذكريات المؤلمة والخوف من الوقوع في الحب مرة تانية.
كلمات اغنية واد غلبان – ميشيل مساك
كان مرّة زمان واد غلبان
مكسور بتعالجه الأيام
قابل بنّوته بفيونكات
قالها ممكن قالت يا سلام
وعنيها قالتله كلام وكلام
والضحك مابينهم كان صباح
وحكالها وقال وقال وارتاح
ما هو شاف ف عنيها الدنيا براح
وأتاريها أتاريها عنيها إزاز
وأتاريها أتاريها يا ناس خاينه
خانت واحد مع واد غلبان
وخانت الغلبان مع ناس تانيه
والواد بقى خايف تاني يحبّ
ويجيبه سيريتها قلبه يدبّ
صبح المجروح أبو تعوريه
ويقول يا زمان راحت يا زمان
يمسك قلمه ويبكي ف ليلاه
فارقته وسابتله عنيها معاه
يتنهّد ويقول هنساكي
يهرب على فين من شيء جواه
وأتاريها أتاريها عنيها إزاز
وأتاريها أتاريها يا ناس خاينه
خانت واحد مع واد غلبان
وخانت الغلبان مع ناس تانيه
اغنية واد غلبان – ميشيل مساك
Mishel Mesak – Wad Ghalban
كلمات: ميشيل مساك
ألحان: ميشيل مساك
توزيع: أنتوني فانوس