اغنية وحشتني نفسي لمحمد بسكوت وجع بجد، تحسها بتوصف إحساس الغربة والوحدة اللي بتسرق العمر. الكلمات مليانة حزن وحنين للأيام اللي راحت، وكأن البطل مش بس مشتاق لشخص، لكنه كمان مشتاق لنفسه زمان. اللحن هادي، والصوت بيحكي قصة التعب من غير كلام كتير. اغنية وحشتني نفسي تلمس القلب من أول كلمة.
كلمات اغنية وحشتني نفسي لـ محمد بسكوت
الغربة مرّة لو معاك الدّنيا دي بحلّها
سايب حبايبك ضحكتك مبقتش بطولها
عايش وحيد والذّكريات عمّال تحنّلها
حابب السّكات والتّلفونات على طول محوّلها
نفس الرّوتين بيعيد
ومفيش يا دنيا جديد
أنا نفسي أعيشها سعيد
لو حتّى يوم واحد
من الألفين وعشرين
هيّا هيّا السّنين
وأيدنا فيها عايشين
بس الدّماغ ساحت
وحشتيني نفسي والسّنين عمرها ما هترجع
أنا بفتكر أيّام زمان عيوني بدمع
طب رجّعيني يا دنيا تاني طفل لو ينفع
مبقتش قادر ع الضّغوط والوحدة دي بتوجع
أنا قلبي جالو هبوط
تعبان بجدّ بموت
لكن عامل مبسوط
كلّها شكليّات
فوق كتفي طنّ هموم
لكن بزوّق اليوم
ماسك أنا التّلفون
مع نفسي عامل شات
واقف وباصص في المراية بجدّ مستغرب
إزّاي بقيت إنسان كئيب في الدّنيا متغرّب
بيسألوني عامل إيه وعمّال أتهرّب
منّا أصلي عامل حلو بس القلب مترّب
بيسألوني كتير
وبردّ أقول أنا بخير
أصل الشّكوى لغير
اللّه يابا مذلّة
بنفسي عادي هقوم
ما الحزن مش هيدوم
أكيد هييجي اليوم
أفرح فيه وأتهنّاه
النّاس بتنسى وأنا الوحيد مش عارف أنساكي
أنا لسّه فاكر كلّ لحظة عشتها معاكي
من غيرها أنا تعبان وهيّا دوايا وعلاجي
من يوم ما قلبي رحلها ومش عارف ييجي
الحزن الّي أنا فيه
إنتي السّبب بقى فيه
أنا قلبي جيتي عليه
من يومها وأنا همدان
خلّيتي شاب جميل
يعيش حياته كئيب
الحبّ لو كان عيب
مكنتش عملتو زمان
اغنية وحشتني نفسي – محمد بسكوت
Wa7ashtni Nafsi – Mohamed Baskout
كلمات: أحمد يوسف الجوكر
ألحان: الديشا فتحي
توزيع: محمد حريقة