كلمات اغنية تسلملي غناء الفنانة التونسية لطيفة بتعبر عن حب هادي ومطمّن، حبيب يقلب الضحكة من أول ما يبان، ويشيل الهم ويعطي معنى للرجولة والوفا، وبتوصف شكر دائم على وجوده ولحظاته الحلوة، علاقة سنين مربوطة بالحنين وصعب أي حاجة تكسرها.
كلمات اغنية تسلملي – لطيفة
تسلملي تكشيرتي بتقلب ضحكة
لو شوفتك جاي عليّا
ومشاكلي بحالها بتتنسي
أوّل ما بتضحك ليّا
لو في حاجة حلوة في دنيتي
إنت أكيد الحاجة ديّة
تسلملي مش عارفة أنا لو من غيرك
كان إيه بس هيحصلّي
دا عليك أنا بحمد ربّنا
مليون مرّة وأنا بصلّي
أنا بيك يا حبيبي
نصيبي الحلو من الدنيا وصلني
وتسلملي على كلّ لحظة جميلة جنبك عيشتها
على كلّ حاجة عشان سعادتي عملتها
على كلّ شيلة حبيبي عنّي شيلتها
تسلملي ياللي إنت ضهر وحضن لاقية أنا فيه الدفا
ياللي إنت قلقي من السنين بيك اختفى
ياللي إنت فيك معنى الرجولة والوفا
تسلملي لو هفضل عنّك أحكي
سنين العمر هتسرقني
طب هحكي إزاي عشقاك
ولا أحكي إزاي إنت عاشقني
كلّ اللي أنا قولته حبيبي
دا نقطة في بحر صدّقني
تسلملي إحنا الحبّ اللي ما بينّا
مفيش ولا كلمة هتختصره
دي سنين وحاجات ربطانا ببعض
لا يمكن يتكسروا
واللي زمان حاولوا يوّقعوا بينّا
في الآخر خسروا
اغنية تسلملي – لطيفة
Latifa – Tslamli
كلمات: حسام سعيد
ألحان: سامر أبو طالب
توزيع: خالد نبيل
المزيد من أغاني لطيفة
نتفكر
أنا والله ما أنا
عندنا وبس
هوينا هوينا
أخبارك إيه