كلمات اغنية طاير م السعادة غناء حمزة نمرة من ألبوم احكي. تنقل مشاعر الفرحة العارمة والراحة النفسية بعد طول انتظار، حيث تبتسم الدنيا أخيراً. الأغنية تصف لحظات السعادة الحقيقية وسط الأحباب، وتمني توقف الزمن للاستمتاع بكل تفصيلة جميلة تعوض سنوات الصبر. اقرأوا كلمات الأغنية كاملة هنا.
كلمات اغنية طاير م السعادة – حمزة نمرة
واهي دي اللحظة اللي أنا مستنّيها
وما كنّاش نحلم بيها يا قلبي زمان
لحظة كان نفسنا فيها
ولكل فرحة أوان
آه
مرتاح قوي من جوّايا وهادي
راضي وفي عينيّا الدنيا أمان في أمان
مش بس يا ناس فرحان
ده أكتر بشويّة كمان
ده أنا طاير م السعادة
وعايش حالة
وف أجمل لحظة وعمري
ما أنساها استحالة
الليلة الدنيا ضحكت
وقالتلي تعالى ده مكانك ويّا الفرحانين
ده أنا طاير م السعادة
وعايش حالة
وهتفضل أغلى ليلة
وف قلبي متشالة
وأكيد باين عليّا ومش محتاج قوالة
ما خلاص بقيت م المحظوظين
بالراحة يا وقت ما تهدى علينا
على مهلك بقى ده إحنا استنّينا كتير
مستعجل ليه خلّينا
دي الدنيا مش هتطير
آه
بفرح من قلبي ويّا حبايبي
وبملّي عينيّا من كل التفاصيل
من صورة سايبة لينا ذكرى مالهاش مثيل
ده أنا طاير م السعادة
وعايش حالة
وف أجمل لحظة وعمري
ما أنساها استحالة
الليلة الدنيا ضحكت
وقالتلي تعالى ده مكانك ويّا الفرحانين
ده أنا طاير م السعادة
وعايش حالة
وهتفضل أغلى ليلة
وف قلبي متشالة
وأكيد باين عليّا ومش محتاج قوالة
ما خلاص بقيت م المحظوظين
اغنية طاير م السعادة – حمزة نمرة
Hamza Namira – Tayer Mel Saada
كلمات: محمود فاروق
ألحان: أندريه مينا
توزيع: أندريه مينا
المزيد من أغاني حمزة نمرة
وينك من زمان
قرار شخصي رقم ١
كده الأيام
كايرو
ما بتلافينيش