كلمات شيلة طواريك أداء عبدالله ال مخلص، تتغزل في جمال محبوب يشبه الغيم وريحة المسك ويطيب بوجوده الجو، وتشكي حال عاشق يسرح بفكره ويضرب كف بكف من كثر الشوق والحيرة وقت الغياب، وترسم بالقصايد صورة خيالية لملامح قمر يغطي بنوره عتمة الليل الطويل.
كلمات شيلة طواريك – عبدالله ال مخلص
شبيه الغيم والنّسناس والبرد
يا ريح المسك والرّيحان والورد
ونفحات أزرق العود المعتَّق
يا طبع الجافله يا شارد الشَّرْد
يا راحة بالي وترويق جوّي
يا همّالي وبرّاقي ونوّي
فديتك خاف فيني الله واتَّقِ
ليا من غبت عني ويش أسوي
ياليتك شايفٍ ردَّ اعتباري
أهوجس بالفكر مانيب داري
فركة براحة ايديني واصفّق
يمين أيدي على راحت يساري
طواريك وتواصيفك مهابه
وطيفك كلّ ما غابت رحابه
له الخفّاق لا تاق وتشفّق
بيسري اللّيل لو ماينسرابه
في عتمة ليلتٍ ياخذ قمرها
ملامح وجنتيك ومختصرها
ما بين الوجنه وطول المعنّق
جديلٍ لا انفهق بيدك سترها
أحبك وأعشقك وأموت وأحيا
أنا في غيبتك فاقد لي اشيا
مانيب أضحك ولانيب اتشوّق
ودمعاتي في وسط العين مليّا
بترجم لك شعوري بالقصايد
وأنقّي من فرايدها فرايدٍ
تحانت بين ايدينك واتعلّق
على منتوقك الباهي قلايد
لا عاد اتقول صحّ الله لساني
تراك أكبر من بيوت المعاني
تواضعك لقلايدها يدنّق
وتفخر بك على مَرّ الزماني
شيلة طواريك – عبدالله ال مخلص
Abdullah Almokhles – Tawarek
كلمات: علي بن مهران
ألحان: عبدالله ال مخلص
توزيع: حازم الأبيض
المزيد من شيلات عبدالله ال مخلص
قلي متى لـ عبدالله ال مخلص
ياخذني الشوق لـ عبدالله ال مخلص
جاري الأنتظار لـ عبدالله ال مخلص
اذكريني لـ عبدالله ال مخلص
ملامح – عبدالله ال مخلص