كلمات اغنية تقاطع للفنان مروان موسى بتوصف حالة من التردد والصراع النفسي، وكأنها رحلة في دماغ الشخص اللي بيحاول يختار طريقه وسط كل الضغوط والتغيرات. كلمات اغنية مروان موسى “تقاطع” فيها صدق وإحساس عالي، وبتحكي عن التجارب الشخصية بطريقة قريبة للقلب. اللحن بيضيف قوة للمعاني، وبيخلي الأغنية مليانة طاقة وتفكير عميق.
كلمات اغنية تقاطع مروان موسى
بتحاول تدوّر على إجابة مش بتلاقي
في الوقت الحالي أنا في تقاطع وأنا بتقطّع لازم اختار
هل هبقى الصفحة الأولى ولّا المصيبة ف موجز الأنباء والأخبار
دخلت المجال دا بالصدفة لولا الطاي ماكانوش شافوا مروان
كلّ ما الساعة بتتكلّم بفهمها اكتر الزمن قلّاب وغدّار
أبدأ منين مُرفّه عديم الإحساس ولّا الاتنين
سنين شقيان ع الفاضي علشان أثبت بس للنّاس أنا إيه
أنا اللّي روحت وجيت أنا الرحّال اللّي بين كذا بيت
أنا اللّي عيشتي اتقسمت نصّين بعيش فيها كأنّي اتنين
أنا اللّي بظهر بس بالليل فيّا م القمر
لو قولت لجريدة الشروق ع الألبوم يرتّبوا ليّا مؤتمر
صورتي سكرينسيفر صاحبتي بس عندي مش هي ع الكڤر
قسمنا المصلحة خمسين خمسين ميّة ميّة يعتبر
مش طايق حياتي عشان كأبَنجي
ربع انتقاد ف وداني أنا همشي
شايل جبال وأنا شايل همّي
شايف سواد ودا العادي أنا عندي
سلبيّات أنا سلبي
اكتر من كده بكتير أنا معبّي
شبك عناكب شبك في قلبي
سنين شبابي ضاعت مش ذنبي
جُم سلّموني المسؤليّة في ايديّا ماكانش سنّي ولا كان وزني
شيلت البيت بلا باي ولا بينش ف جسمي ولا تمرينة تجهّزني
شايل ف صدري واخد على خاطري لحدّ ما جنون العظمة خدني
قابلت توأم روحي ف نفس الفترة وماكانتش بتهوّنلي ولا تآمنلي
حبّيتها بس راح كلّه في العدم
اتشقلبت وماكانش عاجبها العجب
صحابي قالوا دا ماله دا اتهبّل
ماريو اتدلّق فين أيّام الخجل
يمكن دافناله كام شعرة في الجبل
ما القلب أعمى يا حبّي ايه العمل
حبّيتها لحدّ ما علّت صوتها ومابقيتش ف عيني القطّة
لمّا بتشوف وش القمورة التاني ممكن تقصّر المدّة
ممكن تخُضك بعديها تيجي وتقول لك كنت بحاول أصُدك
بيبي واللّه العظيم أنا الدنيا دي بحالها مافيهاش اللّي يسمعني خُطبة
بيّاع شغّال أنا سيلز خُد تخفيض مش همسك ف حد
الباب يفوّت حوت ف ماتحسّسنيش إنّ سيادتك دافعلي الأجر
واللّي بيترسم كإنّ مفيش منه اتنين لو جالي هنتكسِك بجدّ
مع إنّه مش مُستحب أنا أحسن لي مادخُلش في دراما واكمّل عَد
فلوس نشتري بيها حرّيّة
عروض غريبه مُغرية
مجالنا زيّ البورصة
الأرتيست هو السلعة اللّي فيها مودّية
حاليّاً جاضض ع الدنيا
بصّ في عينيّا فيها تبريقة غبيّة
محتاج هذه العقليّة
روح التحدّي الحاجة الوحيدة اللّي فيّا
الوحيده اللّي فيّا
آه يا زميلي حرفيّاً
حاليّاً جاضض ع الدنيا
بصّ في عينيّا فيها تبريقة غبيّة
محتاج هذه العقليّة
روح التحدّي الحاجة الوحيدة اللّي فيّا
النهارده انت تريند
بكرا الإند
هتروح منّي فين
انت ليه نفسِنت
أنا في الچيم
أنا اتحسِنت
برو ماتقارنش
مازِلت أنا الكينج
النهارده انت تريند
بكرا الإند
هتروح منّي فين
انت ليه نفسِنت
أنا في الچيم
أنا اتحسِنت
برو ماتقارنش
مازِلت أنا الكينج
شبابيك جوّا عيوني
حواديت حكيتولي
مش ماشيين ف مواصفات
من فوق نازلين بالمظلّات
حياة مسلسل انت الحلقة الكام
بسيبها وأقلب يحصل قلبان
الحقد ملا الذات ودي مش ملذّات
وإحساس الكره زاد بلاش دا بالذات
بحاول اشوف كلمة جديدة جديدة
ڤايبز بليل غريبة غريبة
سواد ودوّامة هتجيبك هتجيبك
قدّامي دي فرصة أخيرة أخيرة
شبابيك جوّا عيوني
حواديت حكيتولي
مش دريانين من فين رايحين
من الطريق إحنا تايهين
ف بتوصل للمرحلة التالتة
اغنية تقاطع – مروان موسى
Marwan Moussa – TAQATO3
كلمات: مروان موسى
توزيع: حاتم ومروان موسى
المزيد من أغاني مروان موسى
اغنية هنا سواد – مروان موسى
اغنية ليلة أرق – مروان موسى
اغنية إسأل مجرب – مروان موسى
اغنية على فين – مروان موسى وكريم أسامة
اغنية ميكاڤيلي – مروان موسى وحليم تاج السر