كلمات اغنية تلاتيني للفنان المصري الجوكر بتعبر عن جيل التسعينات وبتحكي عن التحديات اللي بيواجهها الشباب. الجوكر بيحكي عن ذكرياته في الجامعة وعن التغيرات اللي حصلت في حياته مع مرور الوقت. اغنية تلاتيني بتعكس روح الجيل اللي عاش بين الانتفاضات والثورات وبتوضح ازاي الحياة بتتغير مع الزمن.
كلمات اغنية تلاتيني الجوكر
تلاتيني تلاتيني كانت ١٠ في الجامعة تْكفيني
تلاتيني تلاتيني ١٠ بالمصري مش إسترليني
تلاتيني تلاتيني بصّ العصفورة دي كانت بتْوديني
إوعي في الصبر تْختبريني
Dial up تلاتيني تلاتيني جيل ال
ياسطا احنا تقال مواليد الزلزال
العمر عدى زي الهوا
ياسطا أنا بقي عندي كيس دوا
أحكام السن مش زي أحكام الشايب مش مزحة
والدنيا مش فسحة
كلام يتقال في حفلة فجأة ناس كتير تعوز فلوسها
بين جيل الريحاني وجيل ال TikTok
وفي عين الاتنين أنا جيلي بيعكّ
ولا رابط كرافتة ولا منه بيفكّ
أهالينا قالولنا إنتوا شوفتوا تعليم
مشوفتوش الحرب انتوا جيتوا في اللين
مشوفتوش لاعيبة ولا فنانين
طيب ياسطا خربانة ليه أما إنتوا جامدين
جيل بداية التسعينات
شاف الهوايل من يوم الميلاد
إنتفاضة وكساد ثورة وفساد
ڤيرس وكمامة من بعد إنفلات
بس عرفنا معظم أسرار الكون
٢ فوق ٢ تحت شمال يمين شمال يمين Xo
احنا فووق
تلاتيني تلاتيني كانت ١٠ في الجامعة تْكفيني
تلاتيني تلاتيني ١٠ بالمصري مش إسترليني
تلاتيني تلاتيني بصّ العصفورة دي كانت بتْوديني
تلاتيني تلاتيني
بدأت أشيل همّ الجاي
معنديش فكرة إمتى وإزاي
بدأت أبقى رجل تلاتيني
يقدس كباية الشاي
ويفضل تفخيدة البيت
ويتابع تسعيرة الزيت واللحمة وكرتونة البيض
فيفهم إن غنى ولا سيط
أما سنك يتغير
وانت نفسك تتغير
هتبدأ تحاول تبطل تسير العالم بمنظور عرفت إنه صغير
والمرعب إن إحنا بالوقت بنتْحول لحد كان دايمًا قدامنا
وفي بالنا إن ده مش شبهنا
مش سابق بخطوة في نفس اتجاهنا
كنا بنقعد ونفرد
نمشي من الحاجة أما تقفل
الوقت آخر حاجة تفرق أنا مفيش مرة وقفت
في وشي خرسانة إلا و فتّ
كنت أصحي لو مِتّ زي Medal
أنا كنت وكنت وكنت
بقت تيجي ١١ بكت
تلاتيني تلاتيني كانت ١٠ في الجامعة تْكفيني
تلاتيني تلاتيني ١٠ بالمصري مش إسترليني
تلاتيني تلاتيني بصّ العصفورة دي كانت بتْوديني
تلاتيني تلاتيني
اغنية تلاتيني – الجوكر
كلمات: الجوكر
توزيع: أحمد إيهاب