كلمات شيلة طال ليل اللي يلد العين أداء خالد ال بريك، قصيدة قوية بتبدأ بسهر الشاعر مع قوافيه وتدخل في مدح الرجال اللي بتبان وقت الشدة. الكلام مليان عزة نفس وفخر بالإبل النادرة وتحدي للمنافسين بثقة عالية زي الجبال الراسية، شوف جزالة المعنى في الأبيات الآتية.
كلمات شيلة طال ليل اللي يلد العين
طال ليل اللي يلد العين لعيون القصايد
آه يا عينٍ من الدنيا مطاولها سهرها
لا بغيت أحط راسي من على بيض الوسايد
كني أحطه على نارٍ تلضّى من سعرها
لو تساومني بنات الفكر في عقد القلايد
مالها إلا شاعرٍ ف ارقابها يعقد مهرها
لين أعانق كل طرقاً تعبّت سبع البدايد
تسرق نجوم السماء ويلاعب الغربي شعرها
من طرف شرد القوافي ما بقى غير الشرايد
كل ما حوّل عليها راعي البندق ذعرها
أما أنا لا صلفقت باجوالها صايد وفايد
أنسف الغترة على متني وأغني في ديرها
البروق تلوح وبيوت الشعر في راس نايد
كنها سود المزون اللي مسبلتن مطرها
هات من جل الحطب واحدف على النار الوقايد
وقرّب اللي تلفظ الكيف المهيّل من نحرها
ما بلشنا ف السلوم ولا بلشنا ف العوايد
ورث أهلنا اللي من التاريخ كاسبتن فخرها
عقّب اللي يذخر الوقفات بالعذر المحايد
ودوّر اللي وقفته دون القبيلة ما ذخرها
الولد ما تظهره غير المواقف والشدايد
كل ما صكت عليه العوج حوّل في بحرها
والرخوم اللي حبال دليّهم فيها زوايد
فالسعة تلبس ثياب العافية والله سترها
لا تحذفون الجبل يا هل السوالف والمزايد
الجبال الراسية صفق الهوى ما أخلف حجرها
استريحوا ما ورى مر الكبود إلا اللهايد
من بغى درب المراجل لا يجنب عن وعرها
عندنا شبلٍ عزومه كايدة والراس كايد
صيرميٍ جمجمة راسه توقّد من سطرها
تركي اللي وقفته تبهج وسيعين البنايد
فرخ حرٍ قد تخلوى بالقرانيس وصقرها
حنكه عودٍ من الطنخة على البدوان زايد
قد نفض مرحان نجد من النوادر واحتكرها
يشري البل ما يدوّر للمكاسب والفوايد
عيد قلبه لا رمى بشته على جدة وبرها
جعل قبره للنصوب اللي مثل شرد الطرايد
لين يصبح دوحةٍ نسناسها يطرق زهرها
علّم اللي لابسٍ ثوب الفخر والثوب بايد
سمعة إبراهيم في وسط المقابر ما قبرها
يا لاوميّر قدّم القايد ترى للجمع قايد
وأنت قايد هجمة عتيبة على الشقح وخطرها
أرهج الميدان لين جموعهم تصبح شرايد
بالقعود النادر اللي قيمته ما أحدن قدرها
أشقحٍ غضروف خشمه مثل عرجون الجرايد
طافحٍ يبرى الجماهير الغفيرة ويخزرها
مثل شيخ الشمل في يوم التهاني والمعايد
تنطحه وتقدّره شوخ القبيلة مع جبرها
وعاد حنا لا حضرنا ما نعود للردايد
المراكز نحتميّها والمنصات نعمرها
شيلة طال ليل اللي يلد العين
Tal Lail Elly Yeled El Ein – Khaled Al Breik
كلمات: سلطان الحويقل
المزيد من شيلات خالد ال بريك
انسام الهبايب
طرف الليل
اصعب قرار
سرا ليلي
الأنفاس الأخيرة