كلمات اغنية تاجر السعادة دويتو بين طارق الشيخ ومحمود الليثي من الأغاني الشعبية اللي تمزج بين الحزن والفخر في نفس الوقت. الأغنية تتكلم عن الجدعنة اللي جابت وجع، وعن الناس اللي خذلت بعد العِشرة، لكنها تفضل قوية بروحها. هنا تقدر تقرأ كلماتها وتحس بطاقة الغنا الشعبي الأصيلة.
كلمات اغنية تاجر السعادة
يا تاجر السّعادة
ادّيني شويّة من عندك
وأنا هبقى أحسن زبون عندك
دنا الوجع لفّفني البلاد
ومودّنيش يوم عندك
أنا الزّمن حكم عليّا
بناس أذتني وأصحاب باعتني
وعيال رازتني وقلوب خانتني
بوجع وأسوه كانوا ليّا عزوة
ولا شوفت حصوة من الفرحة
بنام وبصحى مبشوفش فرحة
تعبان يا قلبي والدّنيا جارحة
افتحلي بابك ي حظّ مرّة
وبلاش تسيبني واقف برّا
عجبي يا قلبي على مجايبي
جدعنتي ديّه سبب مصايبي
كنت من جهلي فاكركوا أهلي
صلبت طولكم قطمتوا ضهري
عويل مجاله جاي بينافسني
بعتهاله جنّنته رسمي
عارفك منفسن مرضك ده مزمن
تشوفني تحزن خلّيك ف نفسك
مستكترين الخير عليّا
باصّينلي لي عاللّي ف إيديّا
واللّي هيجنّني منهم
بيناموا يصحوا يفكّروا فيّا
يا ربّ اكفيني شرّ العين
وأبعد عنّي اللّي بوشّين
واللّي يتمنّالي حاجة
أرزقه منها يا ربّ اثنين
ف بحور جمايلي غرقوا زمايلي
جبل الرّجولة كان من عمايلي
فلوسي تحضر صحابي تظهر
خلصت ياخويا كلّه يتبخّر
زمن المودّة ده فات وعدّى
خدو منّي حكمة تسلمي يا شدّة
دنا خدت صدمة لا ألف صدمة
خدوا قلبي لحم رموه عضمة
عجبي يا قلبي على مجايبي
جدعنتي ديّه سبب مصايبي
كنت من جهلي فاكركوا أهلي
صلبت طولكم قطمتوا ضهري
أنا بيسمّوني أسد
رابع هرم ف البلد
مين ده اللّي هينافسني
ده مجاش ولا حتّى اتولد
أسطورة قوي يالا
أنا ومفيش إلّا أنا
تشوفني تحزن
خلّيك ف نفسك
اغنية تاجر السعادة
Tajer Al-Saada – Tarek El-Sheikh wa Mahmoud El-Leithy
كلمات: محمود العربى
الحان: محمد غنيم
توزيع: محمد حريقه
المزيد من أغاني طارق الشيخ
مبقتش عارف
بكام
تتر مسلسل حكيم باشا
يا بخت
عرفت انا مين