كلمات اغنية طب طمنيني لو حتى برنه لـ كريم كرستيانو

اغنية طب طمنيني لو حتى برنه لكريم كرستيانو. اغنية حزينة عن الفراق والحنين، بيوصف فيها حالة الوحدة بعد البعد عن الحبيبة وانتظار حتى إشارة بسيطة منها. فيها وجع هادي وكلام يعكس الحنين والتعب من الغياب. ودي كلماتها مكتوبة وكاملة.

كلمات اغنية طب طمنيني لو حتى برنه

الساعة تيجي ١٢
بنزل وسط البشر
وشّي قصاد البحر
بحكيله على القدر
بكتم دموعي لكن جوايا
جراح كفاية إنّها تقتلني
بقول يا ريتها لو تبقى معايا
أتمنّى بسّ ما تكونش نسيتني

يعني خلاص قرّبنا
على سنة كاملة بوداعنا
لمّا بتوحشيني
بتصبّر بصورنا
أيّامنا وحكاوينا
وسهرنا وليالينا
راحوا في غمضة عين
وفرّقنا بعضينا

طبّ طمّنيني لو حتّى برنّة
اللّي ما بينا أكبر من ده
وليالي وحدي قاعد بستنّى
أشوفها صدفة يمكن أهدى
بسرح بلاقي نفسي في مكاننا
اللّي اتقابلنا فيه يوم اللقاء
معقول خلاص أنا وإنتي بعدنا
نصيبنا جابنا سكّة الفراق

كلّه يقولي سابتك
مش فاكراك نسيتك
تتعب روحك ليه
أمّال لو حبّيتك
بسمع من هنا وأنسى
نفسي أتعلّم أقسى
عدّت أيّام وشهور
وأنا بحبّها لسّه

بكتم دموعي لكن جوايا
جراح كفاية إنّها تقتلني
بقول يا ريتها لو تبقى معايا
أتمنّى بسّ ما تكونش نسيتني
حياتي واقفة بسّ على صوتها
ونفسي أشوفها حتّى لو دقيقة
حرمتني ليه حبيبتي من وجودها
بكدّب أنا دايماً الحقيقة

عدّيت قدّام بيتها
ياه لو مرّة لقيتها
قالوا عنها عزّلت
وغيّرت نمرتها
أسأل دولا ودولا
ما فيش ردود معقولة
تايه وسط الناس
أنا سكّتي مجهولة

إدّيني فرصة بسّ أوضّحلك
عايز أقولك إنتي وحشتيني
بعدتي عنّي ليه وأنا محتاجلك
قدرتي إنّك توجعيني
في ليلي بسهر أنا جوّه شاتنا
بشوف كلامنا وأضحك وبدمّع
بعدتنا ليه حبيبتي دنيتنا
ما بقتش عارف أفوق وأجمّع

الساعة تيجي ١٢
بنزل وسط البشر
وشّي قصاد البحر
بحكيله على القدر
بتلفّت حواليّا
أحباب ياما جنبيّا
وأنا يا حبيبتي لوحدي
ربّنا عالم بيّا

يالّلي ظلمتي عمري أكون ظالم
ربّي عالم إنّ أنا مظلوم
ما أبدأش يومي غير بيكي أنا حالم
أشوف عينيكي في حلمي كلّ يوم
مرتاحة يعني في غيابي قوليلي
اللّي وصّلنا ليه ده بإيديكي
زي ما بوفي لازم توفيلي
إزاي تبيعي وأنا مشتريكي

بدوّر على إيميلها
علشان أروح أكلّمها
ولقيت صورة قدّامي
دي حبيبتي وخطيبها
بدخل أشوف بوستاتها
فرحانة في حياتها
قلبي فجأة يقولي
دي حبيبتك روح هاتها

إزاي يا قلبي للدرجة ديّا
تصون تحبّ في ناس بايعين
يا عقلي قوله لو فكّر ثانية
عايشين حياتهم يابا من غيرك
روحي يا ستي ربّي يسهّلك
أنا بقولك أنا متّ خلاص
بكرة الزمن دوّا هيثبتلك
إنّ أنا حبّيتك بإخلاص

اغنية طب طمنيني لو حتى برنه

Tab Tamenini Law Hatta Be Ranna – Karim Cristiano
غناء: كريم كرستيانو
كلمات: حمو الماجيك
توزيع: يوسف اوشا

كلمات اغنية طب طمنيني لو حتى برنه

اغنية طب طمنيني لو حتى برنه

المزيد من أغاني كريم كرستيانو