كلمات اغنية شيل الشيلة لحمزة نمرة من ألبوم “قرار شخصي”، بتغوص في عالم المعاناة الخفية. الأغنية بتحكي عن هموم بنخبيها ومشاعر مش بنظهرها، بكلمات صادقة بتعري الواقع وبتتحدى المجتمع. اغنية “شيل الشيلة” بتفتح النقاش حول أقنعتنا اليومية. لو حسيت يوم إنك لوحدك في الشيلة، الكلمات دي هتلمسك من أول سطر.
كلمات اغنية شيل الشيلة – حمزة نمرة
أنا على فكرة في قلبي
هموم لكن بداريها
مانا مابحبّش أبيّن كلّ اللّي في أوراقي
واللّي باصصلي في عيشتي
ياخدها علي بعضيها
ماينقّيش الحتّة الحلوة
ويرمي الباقي
شيل الشّيلة بحالها
زيّ ما قلبي أنا شالها
ورهان منّي إنّك هتقولّي
عايز عيشة بدالها
أوجاعي اللّي دافنها
النّاس لو شايفينها
هيلاقوا إنّ وجعهم هما
أرحم بكتير منها
أنا مش بنكر خير أنا فيه
لو حتّى ثواني
بس الخير ده أنا برضه
دفعت كتير قدّامه
هي الدّنيا بتدي أساساً
إيه مجّاني
خُد موضوعي بقى من الأوّل
مش في ختامه
وشيل الشّيلة بحالها
زيّ ما قلبي أنا شالها
ورهان منّي إنّك هتقولّي
عايز عيشة بدالها
أوجاعي اللّي دافنها
النّاس لو شايفينها
هيلاقوا إنّ وجعهم هما
أرحم بكتير منها
أغنية شيل الشيلة – حمزة نمرة
Hamza Namira – Shil El Shiela
كلمات: محمود عبد الله
ألحان: محمدي
توزيع: أندريه مينا
المزيد من أغاني حمزة نمرة
شمس وهوا
عزيز عيني
كله على الله
قبلت التحدي
زمن