كلمات اغنية شيطان زمان لخالد تاج وريا علي بتعبر عن صراع داخلي بين الخير والشر، وبين التناقضات اللي بتواجه الإنسان في حياته. الكلمات بتوصف حالة من الحيرة والانفصام، مع تساؤلات عن طبيعة البشر والظلم اللي بيحصل في الدنيا. اغنية شيطان زمان بأسلوبها الجريء بتوصل مشاعر قوية وصادقة، وبتخلي المستمع يعيش مع الكلمات وكأنه جزء من القصة.
كلمات اغنية شيطان زمان خالد تاج وريا علي
تايه ما بين لأ و آه مسافات كتير بينها
أنا يوم شيطان و يومين ملاك مش عارف أوزنها
خلّتني ليه أعمل حاجات متحبّش أعملها
و مسيّرين احنا في حياه و مكتوبلنا نتعب
و إن كان بإيدنا الاختيار فالاختيار أصعب
محتار ما بين أقسى عليك و لّا عليك أصعب
آدي الحياه و آدي البشر و آدي اللّي خان
و آدي الملاك اللّي افتكر شيطان زمان
والواطي ليه في زمنا عالي وصوته بان
آدي الحياه و آدي البشر و آدي اللّي خان
و آدي الملاك اللّي افتكر شيطان زمان
و الشرّ ليه هو اللّي مفتوحله البيبان
مات الكلام حالة انفصام معرفتش أعالجها
تمثيل سنين بين البينين حواديت و بكتبها
و صراع طويل بيني وبين نفسي اللّي بحاربها
لا عرفت أكون أو لا أكون و وقفت أنا محلّي
أنا كلت إيه أشرب عليه علشان تقول حلّي
شكلي مليش فيكم يا ناس و الانعزال حلّي
آدي الحياه و آدي البشر و آدي اللّي خان
و آدي الملاك اللّي افتكر شيطان زمان
و الشرّ ليه هو اللّي مفتوحله البيبان
فلنذهب للجحيم بعد حين مستنّيك على نار
اتمادى يا بني آدم رقبتك سدّادة و بينا تار
قولتها و انتهى وقت التهته كلتها وشربتها تدريجي
شراني بيور مش دور لأحمد زاهر ولا محمود المليجي
أنا لابس بدلة حمرا ولابس
حكم إعدام و ذنبي
إنّي اتكبّرت عليك و نفسي
تتعذّب و اخدك بذنبي
إيدهم إيادي قذرة
قاتلين هنادي و ناظله
بشوف شرّ البشر وأستغرب
هو بجدّ البادي أظلم
اغنية شيطان زمان – خالد تاج وريا علي
Shaytan Zaman – Khaled Tag ft. REA
كلمات وألحان: خالد تاج الدين
توزيع: إسلام زكي
المزيد من أغاني خالد تاج
كلمات اغنية شهم ابن شهم – مدحت صالح وخالد تاج