كلمات اغنية شيطان لحسين، من ألبوم المقابلة، بتوصف الغدر والحسد اللي بيحيط بالإنسان من الأصحاب، مع شعور قوي بالخيانة والوحدة اللي بتؤذي الروح. هي أغنية حزينة بأسلوب راب مصري، بتخليك تشعر بالواقع ده بشكل حقيقي. تعالى نشوف الكلمات كاملة ومكتوبة هنا.
كلمات اغنية شيطان – حسين
في ناس تتمنّى تشوف وقعتي
ناس بتسوّء صورتي أكنّي شيطان
لا وبيحسدوني عشان ضحكتي
تحسّ النّاس كرهالي أكون فرحان
عشان مش لاقي الجدع في سكتي
الجدعان في أوضة أربع حيطان
فبقيت بدّي صحابي تشيل شنطتي
فيها سلاح وفلوس ومخدّرات
الحبّ فكرة قد تؤدّي للفشل
باعك بيعه زيّ ما قالك المثل
النّار في القلب زيّ غدر الحبيب
ناس غوالي بقو رخاص مع الزّمن
مات العشم اللّي بينا واتدفن
والقريب رجع تاني غريب
قصص قصص اللّي خان واللّي سرق
صاحب عمري دار عليّا واتّفق
إيوا صحابي كانوا صحابي على الورق
بيكرهوني ويحسدوني وهكذا
بالله عليكوا حدّ فيكوا كان جدع
بندب حظّي لمّا بضرب الودع
يا كلاب جعانة متربّتوش على الشّبع
إزّاي مفيكوش ولا واحد أصيل
آه يا دنيا شوفنا فيكي العجايب
شوفنا ياما ولسّه ياما هنشوف
اتلمّ الخايب على النّاقص والخاين
بيعيبوا فيّا عشان راجل مظبوط
الظّاهر إنّ أنا في الجدعان مليش نايب
وفي كلّ أصحابي دايماً هطلع مخدوع
كنتو معايا عشان بس اللّي في جيبي
والعيش والملح لمّا اتاكل كان جوع
جود باي عليكوا بالسّلامة
كلّه اتكشف وقت الضّيقة
عيشت معاكوا شويّة أيّام
وخلاص من مخّي أنا لاغيها
فكرتكوا ناس تمام
بس انتو طلعتوا صنف بيئة
المياه تكدب العوّام
وأحلى مسا على الحقيقة
في ناس تتمنّى تشوف وقعتي
ناس بتسوّء صورتي أكنّي شيطان
لا وبيحسدوني عشان ضحكتي
تحسّ النّاس كرهالي أكون فرحان
عشان مش لاقي الجدع في سكتي
الجدعان في أوضة أربع حيطان
فبقيت بدّي صحابي تشيل شنطتي
فيها سلاح وفلوس ومخدّرات
اغنية شيطان – حسين
HUSAYN – Shaytan
كلمات: حسين
توزيع: آرش
المزيد من أغاني حسين
الحب بيأذيني
كاسر العشرين
ماني مان