كلمات شيلة شما أداء أسعد البطحري بتعبر عن الفخر والاحترام لشخصية عظيمة ومؤثرة. الشيلة بتوصف جودها وكرمها، وبتشبهها بالجوهرة اللي ما تقدر الكلمات توصفها. أسعد البطحري بيغني في شيلة شما عن مكانتها العالية وأفعالها اللي خلدت اسمها في التاريخ.
كلمات شيلة شما اسعد البطحري
يا شاعر وكاتب وسامع ونقّال
اسمع قصيدة واجتهد في فهمها
من عقب شما سكّروا كلّ الأقوال
اتجاوزت حدّ الكرام بكرمها
لا جيتها تلقى تراحيبها ثقال
ترحيبة ترفع قدر من حشمها
صكّت ملفّ الجود يا حيّ ذا الفال
وعند الكرام الرّقم الأعلى رقمها
في خشمها قصّة سلالات من آل
وفي عينها كلّ الحياه ونعمها
وصف الهدب شامخ ونايف وقتّال
ونظراتها تذبح ويذبح سهمها
ومعنق فيه اختلط هجر ووصال
مشراق شمس وشعرها لي عتمها
غزال من نظرات العيون يفال
وتكرم عن دروب الرّدايا قدمها
والشّعر لو يوصف حسنها فلا طال
تقصر قوافينا ويقصر نغمها
في وصفها حال الشّعر عكس الأحوال
الوصف ما انصفها ولكن ظلمها
ربّي عطاها م الحسن دون مكيال
والقسم لارهى فالعطايا قسمها
كفوفها سحاب سكّاب همّال
دولة عطا وإحساسها لي حكمها
فيها من الحكمة منارات عقال
وشموخها اللّي منرسم من قيمها
من لابة تشهد لها كلّ الأفعال
من روس ياسيه يا مكبّر قممها
وبنت الّذي بأفعاله الأرض تختال
وأمّ الشّيوخ اللّي غلاهم لزمها
سيرة اجواد وفخر وشيوخ جبال
وفي صفحة التّاريخ بارق اسمها
الفارقه في طبعها دين وخصال
سليلة الاكرام مكبّر سهمها
من عرقها الطيّب خذت طيب وقبال
وقلب حياوي يستحي من نسمها
نهر الكرم والخير والجود لا زال
جاري بفضل جهودها مع هممها
وفي ذمّتي شما انجبت درّ ورجال
وفي صفحة التّاريخ زاهي ختمها
وشما فعلها صار مضرب للأمثال
لبّى غلا شما ولبّى اسمها
يا مفرحه القلوب في كلّ الأحوال
سيرتج تتكلّم ويكتب قلمها
يا معربة الأنساب من عمّ وخال
طيبتج نعمة يا عسى ما نعدمها
خلّي الفخر لأمجادج الشّم مدهال
يا شيخة ربّي بحسنه رسمها
وتبسّمي يالله عسى راحة البال
لج قسم وافي م الحياه ونعمها
نحتاج مثلج قدوه لكلّ الأجيال
يا ذا الكريمة لي تفنّد كرمها
شيلة شما – اسعد البطحري
Asad Al Bathari – Shamma
كلمات: مولاف
اداء: اسعد البطحري
المزيد من شيلات اسعد البطحري
كلمات شيلة انا ونيت – اسعد البطحري
كلمات شيلة رافع للعز راياته – اسعد البطحري
كلمات شيلة سنام العز – اسعد البطحري
كلمات شيلة فكر طيار – اسعد البطحري
كلمات شيلة شارة زايد الكبرى – اسعد البطحري