كلمات اغنية شخص حنين لهشام صابر وخالد صابر مليانة مشاعر غضب وجرح بعد خيانة وخذلان. الكلام بيحكي عن قلب كان صادق وطيب لكنه اتوجع لدرجة خلته يقرر يقسى ويتغير. في كل سطر إحساس بالخذلان الي كسر العاطفة وحولها لنوع من الانتقام أو القوة المصطنعة، وكأنها محاولة لإخفاء الوجع الحقيقي.
كلمات اغنية شخص حنين – هشام صابر وخالد صابر
أنا من دلوقتي هبطل أكون شخص حنين
هقلب حاوي وهلعب عالكُله واتلوّن
قلبي هقسّيه طيبي مات وبإيدي دفنتو
على وتر الغدر خلاص أنا هعزف وهفنّن
كل اللي آذاني أنا هورّيله نفس المشهد
وهخليه يسقف ويقول إني عملته أجمد
هفتري وهخون هقلب فرعون، مانا كنت زمان
بخلص من جرح قديم وبخش في جرح أجدد
غلطان اللي اشتراهم غلطان
ده رهان ومن البداية كان خسران
آسف ليكي يا نفسي آسف
مصدوم وطريق الشر مرسوم
يا هموم عمّالة تجيبي في هموم
عارف مفيش واحد جمبي
حتى إنتي كمان قولتيلي: سلام، هبعد وانساه
مركبنا ما ينفعش إنها عالبر دي ترسى
خليتي في حدود وعملتِ حواجز ليه ما بينا
أنهي الموضوع ما خلاص ما بقاش فيه ولا فرصة
أزعل على إيه؟ ما أنا كده كده على كده متعود
وكفاية أعذار، لا هتنقص ولا هتزود
أنا هبقى بخير عيشي حياتِك بقى وانسيني
اتخميت فيكي، ومن اللي بقوله أنا متأكد
غلطان اللي اشتراهم غلطان
ده رهان ومن البداية كان خسران
آسف ليكي يا نفسي آسف
مصدوم وطريق الشر مرسوم
يا هموم عمّالة تجيبي في هموم
عارف مفيش واحد جمبي
اغنية شخص حنين – هشام صابر وخالد صابر
Shakhs Hanin – Hesham Saber and Khaled Saber
كلمات: حازم اكس
توزيع: فلسطينى ريمكس