تعد اغنية شهم ابن شهم للفنان مدحت صالح وخالد تاج اغنية راب رائعة، فهي تعبير صريح عن الفخر والكبرياء وتجسد روح التحدي والتصدي للظلم. تقدم كلمات اغنية شهم ابن شهم صورة واضحة عن شخصيات قوية لا تنحني للضغوط وتقاوم النقد والتشكيك، ومصرة على إثبات ذاتها وتؤكد على أن النجاح الحقيقي يكمن في التمسك بالمبادئ ورفض الانحناء أمام رغبات الآخرين.
كلمات اغنية شهم ابن شهم – مدحت صالح
شهم ابن شهم ياللي ملكوش في الشهامة سهم
بطولاتكوا احلام ووهم صفر كبير تمامكم كلام
اخصام كاوتش سيرتي تحضر حتى لو مجتش
قادر بس مفترتش انتوا اتفه م الانتقام
شهم ابن شهم لو ضربتوا ف ضهري الف سهم
ده كلام رخيص عادي سهل اما الفعل شيمة الرجال
انا لو سامحت محدش يجي عندي لو سمحت
في برج عالي وانتوا تحت سبت الحوش للعب العيال
ملبنك يقف في زورهم يبلعولي انا الزلط
مدحت صالح انت في نفسك على الكوكب الغلط
جايبنها م البلاط و ايش ياخد مننا الريح
انزل تراكي تصيح طب ماتخليك صريح
الأخضر ميت الف باكو معلش سهرناكوا
حطينا الكل في حجمه م الاخر صغرناكوا
شايفنكوا من فوقيكوا لما حاولتوا تبصوا وراكوا
كومنتاتك ليه صفرا معلش الغل تراكم
في الاخر احنا بنكسب لما الكل يعيش الوهم
مش بس الواحد شهم لا شهم ابن شهم
ما خلاص تعبت بس من اللي خاني كبرت
قفلت بابي و ارتاحت اخباركم دي متهمنيش
فوق للي جاي ايوه يا قلبي ليه الف زي
خلاص و مش عايزه حي مات جوايا وانا اللي هعيش
راحة البال مش في راحة المال
خفف أحمال تتشال من تحت رحمة مال
محناش واكلين تاتوره تغلط تدفع فاتوره
و نهينك بالأداء مانعدش خدنا كام بطولة
زميل مش صاحب وانا بطلت اصاحب
شديت فيشة الفريزر غلك نار معرفتك ساحت
بيخربش الكروت عرفني كسبته كنز
الله يرحم كان باللادا عرفني ركبته بنز
في الاخر احنا بنكسب لما الكل يعيش الوهم
مش بس الواحد شهم لا شهم ابن شهم
كلمات اغنية خطير يا اخوانا – مدحت صالح واكرم حسني
اغنية شهم ابن شهم – مدحت صالح وخالد تاج
كلمات وألحان: خالد تاج
توزيع: اسلام ذكي