كلمات شيلة شهرت حبك غناء الجفراني، بتوصف لوع الشوق في ليالي الشتا الطويلة وهيبة المحب وهو داخل على سن الأربعين، وبتحكي عن جمال المحبوب اللي بيجمع بين القوة واللين وسحره اللي ملوش مثيل. بتكشف القصيدة عن اعتزاز الشاعر بحبه العلني رغم العتاب، وبتسيب أثر من الفخر والوفاء في قلوب العشاق.
كلمات شيلة شهرت حبك – الجفراني
يا طول ليل الشتاء طولاه يا مسلمين
من يوم جاني معه ضيفٍ ماهوب انكري
يسيطر الصمت ويضم الكرى كلّ عين
وعيون يعقوب لولا الصبر وش تحتري
أنا اللي أقول ذبح الذيب ماهوب زين
كيف اتّهموني بدم الذيب وأنا بري
لازال علمه ورى الأضلاع سرٍّ دفين
أحيان ماينجحد وأحيان ماينطري
اليوم قدني على مشارف الأربعين
استامني يالبكار الوضح واستبشري
لابد أجيهم عقب غيبه بعلمٍ يقين
حتّى لو إنّ الظروف تحيّر العبقري
يجيك من صلب بيّاع التتن شيخ دين
ويجيك من صلب تبّاع البكار حضري
يارب هب لي ثقل حجّه وجنبٍ متين
لاميّل الحظّ مثل بريهة العسكري
ولا أنت يامشغلٍ فكري عن العالمين
لازلت في سيرتك متطرّف وعنصري
أنت آخر اللي لقيت من العرب الأوّلين
من طرفك المستريب لزينك الجوهري
اللي يصلّي معك في أوّل لقا ركعتين
مالقا قوت يومه عدّه أكبر ثري
العام هذا كمال نصاب (عشر السنين)
ياللي مشاهدك يغني عن حليب المري
يا كثر ما أغيب عند مهجرعات الحنين
وأنا على جيتك يا بري حالي بري
أنا ما أحبّ التناقض كون في حاجتين
أهيم وأسري لها في ليلٍ ما ينسري
ترحيبك بالابتسامه وأنت خاطرك شين
وتصنّعك للقساوه وأنت عودك طري
سبحان من ميّزك بين العباد أجمعين
كنّهم غسول قهوه وأنت قهوة شمّري
شهرت حبّك وأنا واحد من المعجبين
مسلّمك جوختي يا لابس الغندري
تزعلني بكلمه وترضيني بكلمتين
ذلّلت لك قلبي اللي في المواجه جري
صخّرت لك في مجال مدلهات الحزين
ما لا يصخّره أبو تمام والبحتري
يا كبر فضلك على طلّابي الناجحين
وأنا ما أخذت البلاغه من كتب الأزهري_
شيلة شهرت حبك – الجفراني
Shahart Hubbak – Al Jafrani
كلمات: صالح النشيرا
ألحان: الجفراني
توزيع: تون لايف
المزيد من شيلات الجفراني
الصحيح يصح
نار التنافس
الشوط الصعب
اسامينا الكبيرة
الرياح المرسلة