كلمات مهرجان سايبني لمين لحمو القماش من المهرجانات الحزينة اللي تمس القلب بكلماتها عن فقدان الصديق وألم الفراق. الأغنية فيها شجن كبير وإحساس صادق يوصل الوجع بطريقة بسيطة. هنا تقدر تقرا كلمات المهرجان وتغوص في إحساسها الحقيقي.
كلمات مهرجان سايبني لمين – حمو القماش
مليش غيرك سيبني لمين
مكانش زعل يا صاحبي يومين
مكانتش عمري أتصوّر
تغيب عنّي ليوم الدّين
يا خويا يا حتّة من روحي
روحك سحبت كمان روحي
وحقّك عمري ماهسيبه
ولو كان التّمن روحي
سلام ولحدّ ماهجيلك
وأقف ويّاك وأحكيلك
ده عدّى كتير قوي عليّا
حقيقي أنا نفسي أشكيلك
ده كلّ دقيقة بيّا تفوت
بعيش بتمنّى فيها الموت
عشان أقابلك وأكون ويّاك
عايش بعدك سكوت في سكوت
ده طعم الدّنيا بعدك مرّ
وحتّى الوقت مش بيمرّ
ياريت لو ثانية نتلاقى
ويرجع بينا ثاني العمر
عايش بعدك على سيرتك
وأقول وأحكي على طيبتك
هتفضل جنبي طول عمري
هسمّي ابني على اسمك
سلام ولحدّ ماهجيلك
وأقف ويّاك وأحكيلك
ده عدّى كتير قوي عليّا
حقيقي أنا نفسي أشكيلك
ده كلّ دقيقة بيّا تفوت
بعيش بتمنّى فيها الموت
عشان أقابلك وأكون ويّاك
عايش بعدك سكوت في سكوت
مهرجان سايبني لمين – حمو القماش
Hamo ElQmash – Sayebny Lemn
كلمات: خالد الشعراوي
ألحان: مصطفي مجدي
توزيع: صابر فان بيرسي
المزيد من أغاني حمو القماش
كسروك يا قلبي
امشي وسيبهم
فيلم الحياة